விஜய் 60' படத்தில் இணைந்த 'கத்தி' நடிகர்
- IndiaGlitz, [Tuesday,November 24 2015]
இளையதளபதி விஜய் நடித்து வரும் 'விஜய் 59' படத்திற்கு இணையாக விரைவில் தொடங்கவுள்ள 'விஜய் 60' படம் குறித்து பரபரப்பு தகவல்கள் வெளிவந்து கொண்டிருக்கின்றது.
விஜயா புரடொக்ஷன்ஸ் நிறுவனம் தயாரிக்கவுள்ள விஜய்யின் 60வது படத்தில் பரதன், மதி, ப்ரவீண், சந்தோஷ் நாராயணன் ஆகியோர் பணிபுரியவுள்ளனர் என்பது உறுதியாகியுள்ள நிலையில் இந்த படத்தில் காமெடி வேடத்தில் நடிக்க தற்போது வளர்ந்து வரும் நடிகர் சதீஷும் இணைந்துள்ளார். இவர் ஏற்கனவே விஜய்யுடன் 'கத்தி' படத்தில் இணைந்து நடித்தவர் என்பது குறிப்பிடத்தக்கது.
இதுகுறித்து சதீஷ் தனது சமூக வலைத்தளத்தில் கூறியபோது, 'கத்தி' படத்திற்கு பின்னர் மீண்டும் இளையதளபதியுடன் இணைந்து நடிக்க வாய்ப்பு கிடைத்துள்ளது மிகவும் சந்தோஷத்தை தருவதாகவும், விஜய்யின் 60 வது படத்தில் இணைந்ததற்காக பெருமைப்படுவதாகவும் கூறியுள்ளார்.