பழம்பெரும் நகைச்சுவை நடிகர் ராக்கெட் ராமநாதன் காலமானார்.
- IndiaGlitz, [Wednesday,September 05 2018]
பழம்பெரும் நகைச்சுவை நடிகரும் பலகுரல் மன்னனுமான ராக்கெட் ராமநாதன் காலமானார். அவருக்கு வயது 74
சென்னைத் தொலைக்காட்சியிலும், பொது நிகழ்ச்சிகளிலும் மிமிக்ரி கலைஞராக விளங்கிய ராக்கெட் ராமநாதன், 'ஸ்பரிசம்' என்ற படத்தில் நகைச்சுவை நடிகராக அறிமுகமானார். அதன்பின்னர் ஒருபுல்லாங்குழல் அடுப்பு ஊதுகிறது, வளர்த்தகடா, மண்சோறு, கோயில்யானை, நாம், வரம் உட்பட ஏராளமான படங்களில் இவர் நடித்துள்ளார். கமல்ஹாசன் மற்றும் விஜயகாந்துடன் 'மனக்கணக்கு' என்ற படத்தில் நடித்துள்ளார். தமிழக அரசின் கலைமாமணி, நடிகர் சங்கத்தின் கலைச்செல்வம் போன்ற விருதுகளை பெற்றவர்.
மறைந்த நடிகர் ராக்கெட் ராமநாதனுக்கு பானுமதி என்ற மனைவியும், சாய்பாலா என்ற மகளும், சாய்குரு பாலாஜி என்ற மகளும் உள்ளனர். இவருடைய இறுதிச்சடங்கு இன்று மாலை நடைபெறும் என அவருடைய குடும்பத்தினர் தெரிவித்துள்ளனர்.