கோவை சரளா, மனோவை அடுத்து அரசியலில் நுழைந்த திரை நட்சத்திரம்
- IndiaGlitz, [Sunday,March 10 2019]
தேர்தல் சீசனில் கோலிவுட் திரையுலகினர் அரசியலில் நுழைந்து பிரச்சாரத்தில் ஈடுபடுவது வழக்கமான ஒன்றாகவே இருந்து வருகிறது. சமீபத்தில் நடிகை கோவை சரளா, கமல்ஹாசனின் மக்கள் நீதி மய்யம் கட்சியிலும், பிரபல பாடகர் மனோ, டிடிவி தினகரன் முன்னிலையில் அமமுகவிலும் இணைந்த நிலையில் இன்று ஒரு திரைநட்சத்திரம் அதிமுகவில் இணைந்துள்ளார்.
தமிழ் சினிமாவின் காமெடி நடிகர்களில் ஒருவராக ரவிமரியா , அமைச்சர் ஜெயகுமார் முன்னிலையில் அதிமுகவில் இனைந்தார். இவர் அக்கட்சியின் நட்சத்திர பேச்சாளர்களில் ஒருவராக தேர்தல் பிரச்சாரத்தில் ஈடுபடுவார் என கட்சி வட்டாரங்கள் கூறுகின்றன.
அதிமுகவில் நடிகர் ரவிமரியா இணையும் நிகழ்ச்சியில் அமைச்சர் மாபா பாண்டியராஜன், ஜெயவர்தன் எம்பி, ஆவடி குமார், நடிகர் ரங்கநாதன் ஆகியோர் உடனிருந்தனர். தேர்தல் நடைபெற இரண்டு மாதங்களே இருக்கும் நிலையில் இன்னும் எத்தனை திரை நட்சத்திரங்கள் எந்தெந்த கட்சியில் இணைவார்கள் என்பதை பொறுத்திருந்து பார்ப்போம்.