கோலிவுட்டில் அறிமுகமாகும் பிரபல காமெடி நடிகரின் 4 வயது மகள்
- IndiaGlitz, [Sunday,May 20 2018]
கோலிவுட்டில் திரைநட்சத்திரங்கள் அறிமுகமாவது புதியது இல்லை. சிவாஜி கணேசனின் வாரிசுகள் முதல் நடிகை மீனாவின் மகள் வரை கோலிவுட் நட்சத்திரங்களின் வாரிசுகள் தான். அந்த வகையில் காமெடி நடிகர் கொட்டாச்சியின் நான்கு வயது மகள் மானஷ்வி ஒரு திரைப்படத்தில் நடிக்கவுள்ளார்.
ஸ்ரீமணி என்பவர் இயக்கவுள்ள த்ரில் படமான 'கண்மணி பாப்பா' என்ற படத்தில் மானஷ்வி முக்கிய கேரக்டரில் நடிக்கவுள்ளார். 'தொட்டால் தொடரும்' படத்தின் நாயகன் தமன்குமார் ஹீரோவாக நடிக்கும் இந்த படத்தில் மியாஸ்ரீ நாயகியாக நடிக்கவுள்ளார்.
பில்டிங் காண்ட்ராக்டராக நடிக்கும் தமனுக்கு ஒரு சொந்த வீடு வாங்க வேண்டும் என்பது வாழ்நாள் கனவு. கஷ்டப்பட்டு பணம் சேர்த்து ஒரு சொந்த வீட்டையும் வாங்கி தனது குடும்பத்துடன் அதில் குடியேறியபோது அந்த வீட்டில் ஒரு பேய் இருப்பது தெரிய வருகிறது. அதன் பின்னர் நடக்கும் திகில் சம்பவங்கள் தான் இந்த படத்தின் கதை என்று இயக்குனர் ஸ்ரீமணி கூறியுள்ளார். இந்த படத்தின் திரைக்கதை முழுக்க முழுக்க மானஷ்வியை சுற்றியே நடக்கும் வகையில் அமைக்கப்பட்டுள்ளது.
மேலும் மானஷ்வி நான்கு படங்களில் நடிக்க ஒப்பந்தமாகியிருப்பதாகவும், அதில் ஒன்று திர்ஷா நடிக்கும் 'பரமபதம்' என்பதும் குறிப்பிடத்தக்கது