நான். ஐ.ஏ.எஸ் தேர்வு எழுதியவன். பிரபல காமெடி நடிகர்
- IndiaGlitz, [Monday,February 13 2017]
கோலிவுட் திரையுலகின் முன்னணி இடத்தை நோக்கி சென்று கொண்டிருக்கும் காமெடி நடிகர்களில் ஒருவர் கருணாகரன். பீட்சா, சூதுகவ்வும், யாமிருக்க பயமே, இன்று நேற்று நாளை, கெத்து உள்பட பல திரைப்படங்களில் கருணாகரனின் காமெடி ரசிகர்களால் வரவேற்பை பெற்றது.
இந்நிலையில் இந்த காமெடி நடிகர் கருணாகரன் கடந்த சில வருடங்களுக்கு முன் ஐஏஎஸ் தேர்வு எழுதியவர் என்று கூறினால் உங்களால் நம்ப முடிகின்றதா? ஆனால் அதுதான் உண்மை
நடிகர் கருணாகரன் தனது சமூக வலைத்தளத்தில் இதுகுறித்து கூறியுள்ளார். 'என்னை எல்லோருக்கும் காமெடி நடிகராக மட்டும்தான் இதுவரை தெரியும். ஆனால் 11 வருடங்களுக்கு முன்னர் சென்னை பிரசிடென்ஸி கல்லூரியில் சிவில் சர்வீஸ் பிரிலிமினரி தேர்வை எழுதியவன் நான்' என்று குறிப்பிட்டுள்ளார்.