வடிவேலுவுடன் நடித்த காமெடி நடிகர் பரிதாப பலி!
- IndiaGlitz, [Thursday,October 31 2019]
வைகைப்புயல் வடிவேலுவுடன் நடித்த காமெடி நடிகர் கிருஷ்ணமூர்த்தி என்பவர் சமீபத்தில் படப்பிடிப்பின்போது திடீரென மாரடைப்பால் மரணம் அடைந்த நிலையில் தற்போது மேலும் ஒரு காமெடி நடிகர் குளியலறையில் வழுக்கி விழுந்து பரிதாபமாக பலியானார்.
’ஆறு’ உள்பட பல திரைப்படங்களில் நடித்த காமெடி நடிகர் ஜெயச்சந்திரன் இன்று தனது வீட்டின் குளியலறையில் வழுக்கி விழுந்து மரணம் அடைந்தார். அவருக்கு வயது 66
100க்கும் மேலான தமிழ் திரைப்படங்களில் காமெடி வேடங்களில் நடித்த நடிகர் ஜெயச்சந்திரன் கடந்த சில ஆண்டுகளாக சர்க்கரை நோயால் பாதிக்கப்பட்டு சிகிச்சை பெற்று வந்துள்ளார். இந்த நிலையில் நேற்று முன் தினம் இரவு படப்பிடிப்புக்குச் சென்று வீடு திரும்பிய ஜெயச்சந்திரன் மறுநாள் காலை குளியலறைக்கு சென்ற போது எதிர்பாராத வகையில் வழுக்கி விழுந்ததால் அவருக்கு தலையில் பலத்த காயம் ஏற்பட்டது. இதனையடுத்து உடனடியாக அவர் மருத்துவமனைக்கு கொண்டு சென்ற நிலையில் மருத்துவமனைக்கு கொண்டு செல்லும் வழியிலேயே அவரது உயிர் பிரிந்ததாக தெரிகிறது. உயிரிழந்த ஜெயச்சந்திரனுக்கு லட்சுமி என்ற மனைவியும், ஒரு மகன் மற்றும் ஒரு மகள் உள்ளனர்,
ஜெயச்சந்திரனின் மறைவு கோலிவுட் திரையுலகை அதிர்ச்ச்குள்ளாக்கியுள்ளது. ஜெயச்சந்திரனுக்கு விஷால், பொன்வண்ணன் உள்பட பல திரையுலக பிரமுகர்கள் அஞ்சலி செலுத்தி வருகின்றனர்.,