ஹீரோ அந்தஸ்து பெறும் மற்றொரு காமெடி நடிகர்
- IndiaGlitz, [Saturday,December 19 2015]
தமிழ் சினிமாவில் காமெடி நடிகர்களாக வலம் வந்த கவுண்டமணி, வடிவேல், விவேக், சந்தானம் ஆகியோர் ஹீரோவாகவும் வெற்றி பெற்று வரும் நிலையில் இந்த பட்டியலில் தற்போது வளர்ந்து வரும் நகைச்சுவை நடிகர்களில் ஒருவரான இமான் அண்ணாச்சியும் இணைந்துள்ளார்.
தனது நெல்லைத்தமிழ் மற்றும் பாடி லாங்குவேஜ் ஆகியவற்றால் ரசிகர்களை நகைச்சுவை கேரக்டர்கள் மூலம் மகிழ்வித்த வரும் இமான் அண்ணாச்சி முதல்முறையாக ஒரு படத்தில் ஹீரோவாக நடிக்கவுள்ளார்.
இயக்குனர் ரவிதம்பி இயக்கவுள்ள 'குட்டிப்பட்டாளம்' என்ற படத்தில்தான் இமான் அண்ணாச்சி ஹீரோவாக நடிக்கவுள்ளார். இந்த படத்தில் 27 குழந்தை நட்சத்திரங்கள் நடிக்கவுள்ளதாகவும், அந்த குழந்தைகளை வழிகாட்டும் ஒரு நல்லவர் கேரக்டரில் இமான் அண்ணாச்சி நடிப்பதாகவும் கூறப்படுகிறது
விஜய் மில்டனின் 'கோலி சோடா', தனுஷின் 'மரியான்', விஜய்யின் 'ஜில்லா', 'புலி' உள்பட இமான் அண்ணாச்சி பல படங்களில் நகைச்சுவை வேடங்களில் நடித்துள்ளார் என்பது குறிப்பிடத்தக்கது.