அரசியலில் குதித்த அடுத்த காமெடி நடிகர்!
- IndiaGlitz, [Monday,March 11 2019]
பிரபல காமெடி நடிகை கோவை சரளா, கமல்ஹாசனின் மக்கள் நீதி மய்யம் கட்சியிலும், பிரபல காமெடி நடிகர் ரவிமரியா, அதிமுகவிலும் சமிபத்தில் இணைந்தார்கள் என்ற செய்தியை ஏற்கனவே பார்த்தோம்.
இந்த நிலையில் பிரபல தமிழ், தெலுங்கு நகைச்சுவை நடிகர் அலி, இன்று ஒய்.எஸ்.ஆர் காங்கிரஸ் கட்சியில் இணைந்துள்ளார். அவர் இன்று அக்கட்சியின் தலைவர் ஜெகன்மோகன் ரெட்டி முன்னிலையில் ஒய்.எஸ்.ஆர்.காங்கிரஸ் கட்சியில் தன்னை இணைத்து கொண்டார். வரும் பாராளுமன்ற தேர்தலில் அக்கட்சிக்காக அவர் தெலுங்கு மாநிலங்களிலும் பிரச்சாரம் மேற்கொள்வார் என எதிர்பார்க்கப்படுகிறது.
நடிகர் அலி, விஜய் நடித்த 'புலி' உள்பட பல திரைப்படங்களில் நடித்தவர் என்பது குறிப்பிடத்தக்கது. மேலும் இதே ஒய்.எஸ்.ஆர்.காங்கிரஸ் கட்சியில் தான் சமீபத்தில் நடிகை ஜெயசுதா இணைந்தார் என்பது தெரிந்ததே.