இன்று காலை பிளஸ் 2 தேர்வு முடிவுகள் வெளியாகியுள்ளது. மாணவர்கள் தங்கள் முடிவுகளை தெரிந்து கொண்டு வருகின்றனர். இந்நிலையில் தோல்வி அடைந்த அல்லது குறைந்த மதிப்பெண்கள் வாங்கிய மாணவர்கள் தவறான முடிவுக்கு சென்றுவிடாமல் இருக்க பல்வேறு ஆலோசனைகள் வழங்கப்பட்டு வருகிறது.

இந்நிலையில் நடிகர் சதீஷ் தனது சமூக வலைத்தளத்தில் பிளஸ் 2 மாணவர்களுக்கு அறிவுரை கூறியுள்ளார். அவர் கூறியிருப்பதாவது: 'பாஸ் ஆனவங்களும், நிறைய மார்க் வாங்கினவங்களும்தான் ஹீரோன்னு நினைக்காதீங்க. அவங்க இன்னிக்கு மட்டும்தான் ஹீரோஸ். ஆனால் பெயில் ஆனவங்களும், வருத்தப்படாம, எந்த தப்பான முடிவும் எடுக்காமல் மறுபடியும் டிரை பண்றவங்கதான் உண்மையில் ரியல் ஹிரோஸ்.

பாஸ் ஆனவங்களுக்கு வாழ்த்துக்கள். மத்தவங்க கவலைப்பட வேண்டாம். அடுத்த முறை பாத்துக்கலாம். அதனால் ரியல் ஹீரோஸ், தயவுசெய்து எந்த தவறான முடிவுகளை எடுக்க வேண்டாம். கடவுள் உங்களை ஆசிர்வதிப்பார்' என்று கூறியுள்ளார்.