మెగాస్టార్ చిరంజీవి ఒక ప‌క్క 151వ చిత్రం 'సైరా న‌ర‌సింహా రెడ్డి' చిత్రీక‌ర‌ణ‌లో బిజీగా ఉన్నారు. ఇది వీలైనంత త‌ర్వ‌గా పూర్త‌యితే త‌దుప‌రి 152వ సినిమాను స్టార్ట్ చేస్తారు. కొర‌టాల శివ ద‌ర్శ‌క‌త్వంలో తెర‌కెక్క‌నుంది. మెసేజ్‌ను క‌మ‌ర్షియ‌ల్ హంగుల‌తో సినిమా రూపంలో తెర‌కెక్కించే దర్శ‌కుల్లో కొర‌టాల ఒక‌రు. ఆయ‌న ద‌ర్శ‌క‌త్వంలో వ‌చ్చిన శ్రీమంతుడు, జ‌న‌తాగ్యారేజ్‌, భ‌ర‌త్ అనే నేను సినిమా విజ‌యాల‌ను సాధించాయి.

ఈ సినిమా వ‌చ్చే ఏడాది జ‌న‌వ‌రిలో లేదా జ‌న‌వ‌రి త‌ర్వాత స్టార్ట్ అయ్యే అవ‌కాశాలున్నాయి. లెటెస్ట్ న్యూస్ ప్రకారం ఈ చిత్రంలో న‌య‌న‌తార హీరోయిన్‌గా న‌టించే అవ‌కాశాలున్నాయ‌ని అంటున్నారు. ఇది వ‌ర‌కు అనుష్క పేరు ప్ర‌ముఖంగా విన‌ప‌డింది. ఇప్పుడు న‌య‌న‌తార పేరు విన‌ప‌డుతుంది మ‌రి.