மொபைல் போன் பயன்படுத்திய கல்லூரி மாணவி ஒருவரை பெற்றோர் கண்டித்ததால் மனமுடைந்த அந்த கல்லூரி மாணவி ஒருவர் தன்னைத்தானே துப்பாக்கியால் சுட்டு தற்கொலை செய்து கொண்ட சம்பவம் ஹரியானா மாநிலத்தில் பெரும் பரபரப்பை ஏற்படுத்தியுள்ளது.

ஹரியானா மாநிலத்தை சேர்ந்த மது என்ற கல்லூரி மாணவி பி.எஸ்.எஸி படித்து வந்தார். இந்த நிலையில் அவருடைய மொபைல் போனுக்கு அடிக்கடி ஒருவர் பேசி வந்ததாகவும், இதனை பெற்றோர் கண்டித்ததாகவும் கூறப்படுகிறது.

இந்த நிலையில் சம்பவத்தன்று மீண்டும் மது, மொபைல் போனில் ஒருவரிடம் ரகசியமாக பேசியதை பார்த்த அவருடைய தாய் திட்டியுள்ளார். இதனால் மனமுடைந்த மது உடனே தன்னுடைய அறையில் நுழைந்து அவரது தந்தை வைத்திருந்த துப்பாக்கியை எடுத்து தன்னைத்தானே சுட்டு தற்கொலை செய்து கொண்டார். இதுகுறித்த அந்த பகுதி போலீசார் பெற்றோர்களிடம் விசாரணை செய்துகொண்டு வருகின்றனர்.