கல்லூரி மாணவியின் அந்தரங்க வீடியோவை வெளியிட்ட பேராசிரியர்: பரிதாபமாக பலியான உயிர்!
- IndiaGlitz, [Tuesday,September 01 2020]
ஒடிசாவில் கல்லூரி மாணவி ஒருவரின் அந்தரங்க புகைப்படங்கள் மற்றும் வீடியோக்களை அவரது பேராசிரியரே வெளியிட்ட சம்பவம் பெரும் பரபரப்பை ஏற்படுத்தி உள்ளது.
ஒடிசாவை சேர்ந்த கல்லூரி மாணவி ஒருவர் அவர் படிக்கும் கல்லூரியில் பேராசிரியராக பணிபுரிந்து வரும் கணேஷ் என்பவரை காதலித்தார். இருவரும் ஒரு சில நாட்கள் நெருக்கமாக இருந்ததாகவும் கூறப்படுகிறது. இந்த நிலையில் சமீபத்தில் கல்லூரி மாணவியை கைவிட்டு வேறொரு பெண்ணை பேராசிரியர் கணேஷ் திருமணம் செய்து கொண்டார்.
இதுகுறித்து நியாயம் கேட்கப் சென்ற கல்லூரி மாணவியை அடித்து விரட்டியதோடு, கல்லூரி மாணவியுடன் உல்லாசமாக இருந்த புகைப்படங்கள் மற்றும் வீடியோக்களை சமூக வலைத்தளத்தில் பேராசிரியர் கணேஷ் வெளியிட்டார். இந்த புகைப்படங்கள் மற்றும் வீடியோக்கள் வைரல் ஆன நிலையில் அதிர்ச்சி அடைந்த கல்லூரி மாணவி விஷம் குடித்து தற்கொலை செய்து கொண்டார்.
இந்த நிலையில் இது குறித்து கல்லூரி மாணவியின் தாயார் கொடுத்த புகாரின் அடிப்படையில் கல்லூரி பேராசிரியர் கணேசனை போலீசார் கைது செய்து விசாரணை செய்து வருகின்றனர். கல்லூரி மாணவிக்கு பாடம் சொல்லிக்கொடுக்கும் பேராசிரியர் ஒருவரே காதலித்து அதுமட்டுமின்றி நெருக்கமான இருந்த புகைப்படங்களையும் சமூக வலைத்தளத்தில் வெளியிட்டது பெரும் பரபரப்பை ஏற்படுத்தி உள்ளது.