பெண் ஊழியர்கள் டிரஸ் மாற்றும் இடத்தில் ரகசிய கேமிரா! வீடியோ வெளியானதால் அதிர்ச்சி
- IndiaGlitz, [Tuesday,January 07 2020]
கோவை அருகே பெட்ரோல் பங்க் ஒன்றில் பெண் ஊழியர்கள் டிரஸ் மாற்றும் அறையில் ரகசிய கேமரா வைத்து வீடியோ எடுத்த சூப்பர்வைஸரால் பெரும் பரபரப்பு ஏற்பட்டுள்ளது.
கோவை சாய்பாபா காலனியில் உள்ள பெட்ரோல் பங்க் ஒன்றில் பெண்கள் சிலர் பணிபுரிந்து வருகின்றனர். இவர்கள் வழக்கமாக வீட்டில் இருந்து ஒரு உடையில் வந்து, அதன் பின்னர் உடைமாற்றும் அறையில் பெட்ரோல் பங்க் கொடுத்த யூனிபார்ம் அணிந்து பணிபுரிவது வழக்கம்.
இந்த நிலையில் சமீபத்தில் ஒருநாள் 5 பெண் ஊழியர்கள் வரிசையாக இந்த அறைக்கு வந்து தங்கள் உடைகளை மாற்றி சென்ற வீடியோ வாட்ஸ் அப் உள்ளிட்ட சமூக வலைதளங்களில் வெளியாகி பெரும் அதிர்ச்சியை ஏற்படுத்தியுள்ளது.
இந்த வீடியோவில் பெண்கள் உடை மாற்றும் அறைக்குள் முதலில் ஆண் சூப்பர்வைசர் ஒருவர் வருகிறார். அவர் செல்போனில் உள்ள கேமராவை ஆன் செய்து ஒரு மறைவான இடத்தில் வைக்கிறார். அதன் பின்னர் பெண்கள் ஒவ்வொருவராக வந்து உடையை மாற்றி சென்றவுடன் முதலில் வந்த சூப்பர்வைசர் திரும்பவும் வந்து அந்த செல்போனை எடுத்துச் செல்கிறார். இந்த வீடியோ தற்போது சமூக வலைதளங்களில் வைரலாகியுள்ள நிலையில் இது குறித்து விசாரணை செய்ய பெட்ரோல் பங்க் நிர்வாகம் முடிவு செய்துள்ளது.