கோலமாவு கோகிலா' வசூலில் தெரிந்த நயன்தாராவின் மாஸ்
- IndiaGlitz, [Monday,August 20 2018]
கோலிவுட் திரையுலகில் அஜித், விஜய் போன்ற நடிகர்களின் படங்கள் மட்டுமே மாஸ் ஓப்பனிங் வசூலை கொடுத்துள்ளது. அந்த வகையில் முதல்முதலாக ஹீரோவே இல்லாமல் நாயகிக்கு முக்கியத்துவம் உள்ள ஒரு திரைப்படம் மாஸ் வசூல் பெற்றுள்ளது என்றால் அது லேடி சூப்பர் ஸ்டார் நயன்தாராவின் 'கோலமாவு கோகிலா' திரைப்படம் தான்
இந்த படத்திற்கு முதல் காட்சி முடிந்ததில் இருந்தே பாசிட்டிவ் ரிசல்ட் வந்து கொண்டிருந்த நிலையில் சென்னையில் மட்டும் இந்த படம் ரூ.1,58,45,116 கடந்த வாரயிறுதி நாட்களில் வசூல் செய்துள்ளது. சென்னையில் 20 திரையரங்குகளில் 274 காட்சிகள் திரையிடப்பட்டு திரையரங்குகளில் 95% பார்வையாளர்கள் இருந்ததே இந்த படத்தின் மாஸ் வசூலுக்கு சான்றாக உள்ளது.
ஒரு திரைப்படத்தின் வெற்றி என்பது அந்த படம் சந்திக்கும் முதல் திங்கட்கிழமையின் வசூலை பொறுத்தே அமையும் என்று விநியோகிஸ்தர்கள் கூறுவதுண்டு. அந்த வகையில் இன்று பல திரையரங்குகளில் மிகவேகமாக இந்த படத்திற்கான டிக்கெட்டுக்கள் முன்பதிவு செய்யப்பட்டு கொண்டிருப்பதில் இருந்து நயன்தாராவின் மாஸ் மீண்டும் ஒருமுறை நிரூபிக்கப்பட்டுள்ளது. கோலமாவு கோகிலா திரைவிமர்சனம்