பிறந்த நாளில் ஏ.ஆர்.ரஹ்மானை ஆச்சரியப்படுத்திய 'கோப்ரா' படக்குழு!
- IndiaGlitz, [Tuesday,January 07 2020]
விக்ரம், ஸ்ரீநிதிஷெட்டி நடிப்பில் அஜய் ஞானமுத்து இயக்கத்தில் உருவாகி வரும் ’கோப்ரா’ திரைப்படத்தின் படப்பிடிப்பு இறுதி கட்டத்தை நோக்கி சென்று கொண்டிருக்கும் நிலையில் இந்த படத்தின் குழுவினர் இசைப்புயல் ஏஆர் ரஹ்மானை இன்ப அதிர்ச்சி அடையச் செய்யும் வகையில் பிறந்தநாள் கேக் வெட்டி கொண்டாடி அவருக்கு அவரை ஆச்சரியப்படுத்தினார்.
ஏஆர் ரஹ்மானின் பிறந்தநாள் நேற்று சிறப்பாக கொண்டாடப்பட்ட நிலையில் அவருக்கு திரையுலகினர், ரசிகர்கள் வாழ்த்துக்களை தெரிவித்தவண்ணம் இருந்தனர். இந்த நிலையில் ஏ.ஆர்.ரஹ்மானின் பிறந்த நாளை கேக் வெட்டி கொண்டாடிய ’கோப்ரா’ குழுவினர் ஏஆர் ரஹ்மான் அவர்களை படப்பிடிப்பு தளத்திற்கு வரவழைத்து அவருக்கு கேக் ஊட்டி மகிழ்வித்தனர். ஆர் ரஹ்மானுக்கு இயக்குனர் அஜய் ஞானமுத்து கேக் ஊட்டும் காட்சிகளுடன் கூடிய புகைப்படங்கள் தற்போது இணையதளங்களில் வைரலாகி வருகிறது.
இசைப்புயல் ஏ ஆர் ரஹ்மானின் இசையில் உருவாகிவரும் ’கோப்ரா’ படத்திற்காக ஏஆர் ரஹ்மான் அனைத்து பாடல்களையும் கம்போஸ் செய்து முடித்து விட்டதாகவும் விரைவில் அவர் பின்னணி இசை பணியை தொடங்க இருப்பதாகவும் கூறப்படுகிறது. மேலும் தற்போது ஏஆர் ரஹ்மான் ’பொன்னியின் செல்வன்’ படத்திற்கு பாடல்கள் கம்போஸ் செய்யும் பணியில் உள்ளார் என்பது குறிப்பிடத்தக்கது.