சீயான் விக்ரம் நடிப்பில், இயக்குனர் அஜய் ஞானமுத்து இயக்கத்தில் ஏஆர் ரஹ்மான் இசையில் உருவாகிவரும் ’விக்ரம் 58’ படத்தின் படப்பிடிப்பு விறுவிறுப்பாக நடைபெற்று வரும் நிலையில் இன்று மாலை 6 மணிக்கு இந்த படத்தின் அதிகாரபூர்வ டைட்டில் குறித்த தகவல் வெளியிட உள்ளதாக படக்குழுவினர் அறிவித்திருந்தனர் என்பதை ஏற்கனவே பார்த்தோம்

இந்த நிலையில் சற்றுமுன்னர் வெளியாகியுள்ள டைட்டில் மோஷன் போஸ்டர் வீடியோவில் இந்த படத்திற்கு ’கோப்ரா’ என்ற டைட்டில் வைக்கப்பட்டுள்ளது. இந்த படத்தின் டைட்டில் ‘கோப்ரா’ என ஏற்கனவே வெளியான செய்தி தற்போது உறுதி செய்யப்பட்டுள்ளது என்பது குறிப்பிடத்தக்கது

விக்ரம், ஸ்ரீநிதிஷெட்டி, இர்பான் பதான் உள்பட பலர் நடித்து வரும் இந்த படத்தை 7ஸ்கிரீன் ஸ்டூடியோஸ் நிறுவனம் தயாரித்து வருகிறது. மேலும் இந்த படம் அடுத்த ஆண்டு கோடை விடுமுறையில் வெளியாகும் என்று இந்த மோஷன் போஸ்டர் வீடியோவில் குறிப்பிடப்பட்டுள்ளது. இந்த படத்தின் படப்பிடிப்பு இறுதிகட்டத்தில் இருப்பதாகவும் விரைவில் இந்த படத்தின் படப்பிடிப்பை முடித்துவிட்டு, விக்ரம், ‘பொன்னியின் செல்வன்’ படப்பிடிப்பில் கலந்து கொள்ளவிருக்கின்றார் என்பதும் குறிப்பிடத்தக்கது