மருத்துவமனையில் ரஜினியை நேரில் சந்தித்த முதல்வர் ஸ்டாலின்!
- IndiaGlitz, [Sunday,October 31 2021]
சூப்பர் ஸ்டார் ரஜினிகாந்த் அவர்கள் கடந்த இரண்டு நாட்களுக்கு முன்னர் உடல்நலக்குறைவு காரணமாக சென்னை ஆழ்வார்பேட்டையில் உள்ள தனியார் மருத்துவமனையில் அனுமதிக்கப்பட்டார் என்பதும் அவருக்கு மருத்துவர்கள் தீவிர சிகிச்சை பிரிவில் சிகிச்சை அளித்து வந்தனர் என்பதும் குறிப்பிடத்தக்கது.
இந்த நிலையில் ரஜினிகாந்த் உடல்நிலை தற்போது தேறி வருவதாகவும் அவர் விரைவில் டிஸ்சார்ஜ் செய்யப்பட்டு வீடு திரும்ப உள்ளதாக மருத்துவமனை வட்டாரங்கள் கூறுகின்றன.
இந்த நிலையில் தமிழக முதல்வர் முக ஸ்டாலின் அவர்கள் இன்று ரஜினிகாந்த் சிகிச்சை பெற்று வரும் தனியார் மருத்துவமனைக்கு சென்று ரஜினியை நேரில் சந்தித்து அவர் உடல்நலம் பெற வாழ்த்து தெரிவித்தார். மேலும் மருத்துவர்களிடம் ரஜினிக்கு அளிக்கப்படும் சிகிச்சைகள் குறித்து கேட்டறிந்தார் என்றும் தகவல்கள் வெளியாகியுள்ளன.
தமிழக முதல்வர் ரஜினியை நேரில் சந்தித்து உடல் நலம் விசாரித்த தகவல் ஊடகங்களில் பெரும் பரபரப்பை ஏற்படுத்தி உள்ளது.