ஜல்லிக்கட்டுக்கு தமிழக அரசு இயற்றியுள்ள அவசர சட்டம் எங்களுக்கு தேவையில்லை என்றும், நிரந்தர தீர்வு ஏற்படும் வகையில் காட்சிபடுத்தப்படும் பட்டியலில் இருந்து காளைகள் நீக்கப்பட வேண்டும் என்றும் வலியுறுத்தி மெரீனா மாணவர்கள் உள்பட தமிழகத்தின் அனைத்து பகுதி மாணவர்களும் போராட்டத்தை தொடர்ந்து வருகின்றனர்.

மதுரை அலங்காநல்லூரில் ஜல்லிக்கட்டை தொடங்கி வைக்க சென்ற முதல்வர் ஓ.பன்னீர்செல்வம், அங்கு போராட்டம் தொடர்ந்து நடைபெற்றதால் ஜல்லிக்கட்டு அமைப்பினர்களுடன் பேச்சுவார்த்தை நடத்தினார். அந்த பேச்சுவார்த்தையில் உடன்பாடு ஏற்படாததை அடுத்து அவர் சென்னை திரும்புகிறார்.,

இருப்பினும் புதுக்கோட்டையில் அரசு சார்பில் அமைச்சர் விஜயபாஸ்கர் ஜல்லிக்கட்டை தொடங்கி வைத்து நடத்தி கொண்டிருப்பதாகவும், கோவையில் தமிழக அரசின் சார்பில் ரேக்ளா ரேஸ் நடைபெற்று வருவதாகவும் தகவல்கள் வெளியாகியுள்ளது.