முதல்வர் ஜெயலலிதா உடல்நிலையின் தற்போதைய நிலவரம்
- IndiaGlitz, [Monday,December 05 2016]
தமிழக முதல்வர் ஜெயலலிதாவுக்கு நேற்று மாலை மாரடைப்பு ஏற்பட்டதை அடுத்து அவருக்கு சிறிய அளவில் சர்ஜரி நடந்தது. இந்த சர்ஜரியால் அவருடைய உடல்நிலையில் ஏற்படும் மாற்றத்தை கவனித்து அடுத்தகட்ட சிகிச்சை அவருக்கு அளிக்க அப்பல்லோ மருத்துவர்கள் முடிவு செய்துள்ளனர்.
இந்நிலையில் முதல்வருக்கு செய்யப்பட்ட சர்ஜரி குறித்த தகவல்கள் தற்போது வெளிவந்துள்ளது. முதவருக்கு செய்யப்பட்ட சர்ஜரி ஆஞ்சியோ சிகிச்சை போன்றது என்றும் இந்த ஆஞ்சியோ சிகிச்சை என்பது இதய நாளத்தில் உள்ள அடைப்பை அறுவை சிகிச்சையின்றி சரிசெய்வதே என்றும் மருத்துவமனை வட்டாரங்கள் தெரிவித்துள்ளது.
மேலும் முதலமைச்சர் ஜெயலலிதாவிற்கு இதயம் மற்றும் சுவாசவியல் நிபுணர்கள் தொடர்ந்து சிகிச்சை அளித்துவருவதாகவும், அவர்களுடன் அவசர சிகிச்சை நிபுணர்கள் தொடர்ந்து முதல்வரின் உடல்நிலையை கண்காணித்து வருவதாகவும் தகவல்கள் வெளிவந்துள்ளது.