சென்னை திரைப்பட விழாவிற்கு முதல்வர் ஓபிஎஸ் கொடுத்த ரூ.50 லட்சம்
- IndiaGlitz, [Thursday,January 05 2017]
14வது சென்னை திரைப்பட விழா இன்று தொடங்கி வரும் 12ஆம் தேதி வரை நடைபெறவுள்ளது. சென்னை கேசினோ தியேட்டரில் நடைபெறும் இந்த விழாவில் 65 நாடுகளை சேர்ந்த 165 சிறந்த படங்கள் திரையிடப்படுகின்றன
இந்நிலையில் இந்த விழாவுக்காக தமிழக அரசின் சார்பில் முதல்வர் ஓ.பன்னீர்செல்வம் ரூ.50 லட்சம் வழங்கியுள்ளார். இதற்கான காசோலையை முதல்வர் ஓபிஎஸ் நேற்று தலைமை செயலகத்தில் இந்திய திரைப்பட திறனாய்வு கழக இயக்குனர் தங்கராஜ் அவர்களிடம் வழங்கினார்.
இந்த நிகழ்வின்போது செய்தி மற்றும் விளம்பர துறை அமைச்சர் கடம்பூர் ராஜூ, தலைமை செயலாளர் கிரிஜா வைத்தியநாதன், நடிகர் மற்றும் இயக்குனர் மனோபாலா, நடிகை சுஹாசினி மணிரத்னம் உள்பட பலர் உடனிருந்தனர்.