தமிழக முதல்வர் கலந்து கொண்ட முதல் ஆடியோ ரிலீஸ் விழா
- IndiaGlitz, [Sunday,May 21 2017]
தமிழக முதல்வர் எடப்பாடி பழநிச்சாமி முதன்முதலாக ஒரு திரைப்படத்தின் ஆடியோ ரிலீஸ் விழாவில் கலந்து கொண்டு பாடல்களை வெளியிட்டதோடு, அந்த படத்தின் ஹீரோவுக்கு வாழ்த்து தெரிவித்துள்ளார். அந்த படம் 'வைரமகன்', படத்தின் ஹீரோ கோபிகாந்தி.
நடிகர் கோபிகாந்தி ஒரே நேரத்தில் வீரக்கலை, வைரமகன் என இரண்டு படங்களை தயாரித்து அதில் அவரே நாயகனாக நடித்து வருகிறார். இதில் 'வைரமகன்' படத்தின் ஆடியோ விழா நேற்று நடைபெற்றது. இந்த விழாவில் தமிழக முதல்வர் எடப்பாடி பழனிச்சாமி கலந்து கொண்டு பாடல்களை வெளியிட்டார்.
தாய்-மகன் பாசப்போராட்டத்தை மையமாக வைத்து தயாரிக்கப்பட்டு வரும் 'வைரமகன்' படத்தில் கோபிநாத் ஜோடியாக சுகன்யா ஸ்ரீ, சுதா என இரு புதுமுகங்கள் நடித்துள்ளனர். இவர்களுடன் போண்டாமணி, நெல்லைசிவா, விஜயகணேஷ் உள்பட பலர் நடித்திருக்கிறார்கள். எஸ்.எஸ்.சூர்யா இசையமைப்பில் உருவாகி வரும் இந்த படத்தை முருகவேல் என்பவர் இயக்கி வருகிறார்.