సూప‌ర్ స్టార్ ర‌జ‌నీకాంత్ న‌టించిన సంచ‌ల‌న చిత్రం క‌బాలి. అటు అభిమానులు - ఇటు ఇండ‌స్ట్రీ క‌బాలి చిత్రం ఎప్పుడు రిలీజ్ అవుతుందా అని ఆస‌క్తిగా ఎదురుచూస్తున్నారు. ఇక క‌బాలి గురించి రోజుకో ఇంట్ర‌స్టింగ్ న్యూస్ బ‌య‌ట‌కు వ‌స్తుండ‌డంతో అంచ‌నాలు మ‌రింత పెరిగిపోతున్నాయి. ఇదిలా ఉంటే...క‌బాలి ప్ర‌మోష‌న్స్ లో భాగంగా క‌బాలి పోస్ట‌ర్స్ విమానాల‌పైన‌, వెండి నాణేల పైన ద‌ర్శ‌న‌మిస్తూ సెన్సేష‌న్ క్రియేట్ చేస్తున్నాయి.

అంతే కాదండోయ్ కబాలి పేరుతో ఏకంగా సిమ్ కార్డులు సైతం వ‌స్తున్నాయి. అయితే...క‌ర్నాట‌క‌లో ర‌జ‌నీ వీరాభిమాని త‌న కారు నెంబ‌ర్ ప్లేటులో క‌బాలి అని రాయించుకున్నాడు. క‌బాలి అని క‌నిపిస్తున్న ఆ కారు నెంబ‌ర్ కెఎ 8ఎ ఎల్ 1. ఈ నెంబ‌ర్ ని ఇంగ్లీషులో క‌బాలి అని క‌నిపించేలా డిజైన్ చేయించుకున్నాడు. ర‌జ‌నీ పై అభిమానంతో కావాల‌ని క‌ర్నాట‌క రిజిష్ట్రేష‌న్ లో ఈ నెంబ‌ర్ తెచ్చుకున్నాడ‌ట‌. దీనిని బట్టి అర్ధం చేసుకోవ‌చ్చు క‌బాలి (ర‌జ‌నీ) క్రేజ్ ఏరేంజ్ లో ఉందో..?