ఎట్ట‌కేల‌కు `వెంకీమామ‌` రిలీజ్ డేట్‌, ప్రీ రిలీజ్ ఈవెంట్స్‌కు సంబంధించి నిర్మాత‌ల‌కు ఓ క్లారిటీ వ‌చ్చింద‌ని టాక్‌. సినిమాను డిసెంబ‌ర్ 13న విడుద‌ల చేయ‌బోతున్నారు. అలాగే ప్రీ రిలీజ్ ఈవెంట్‌ను డిసెంబ‌ర్ 7న నిర్వ‌హించ‌బోతున్నార‌ని స‌మాచారం. ఇక్క‌డ ప్ర‌స్తావించాల్సిన విష‌యేమంటే ఈ సినిమా ప్రీ రిలీజ్ ఈవెంట్‌ను హైద‌రాబాద్‌లో కాకుండా ఖ‌మ్మంలో నిర్వ‌హించ‌బోతున్నార‌ట‌. గ‌త కొన్ని రోజులుగా ఈ సినిమా విడుద‌లపై ఓ స్ప‌ష్ట‌త రాలేదు. అప్పుడు విడుద‌ల‌వుతుంది.. ఇప్పుడు విడుద‌ల‌వుతుందంటూ వార్త‌లు విన‌ప‌డుతూనే ఉన్నాయి. అయితే లేటెస్ట్ స‌మాచారం మేర‌కు ఈ సినిమా విడుద‌ల విష‌యంలో నిర్మాత‌ల్లో ఒక‌రైన డి.సురేష్‌బాబుకి ఓ క్లారిటీ వ‌చ్చింద‌ట‌. `వెంకీమామ‌`ను డిసెంబ‌ర్ 13న విడుద‌ల చేయ‌డానికి డి.సురేష్‌బాబు నిర్ణ‌యించుకున్నార‌ని టాక్‌. త్వ‌ర‌లోనే సినిమా రిలీజ్‌కు సంబంధించిన అధికారిక స‌మాచారం వెలువ‌డ‌నుంది.

రియ‌ల్ లైఫ్‌లో మామ అల్లుళ్లైన వెంకటేశ్‌, నాగ‌చైత‌న్య రీల్‌పై కూడా మామ, అల్లుడుగా అల‌రించ‌బోతున్నారు. వెంక‌టేశ్ రాజ‌మండ్రి ప‌క్క నుండే మోతుబ‌రి రైతు పాత్ర‌లో క‌న‌ప‌డ‌బోతుండ‌గా చైత‌న్య సైన్యంలో ప‌నిచేసే యువ‌కుడిగా క‌న‌ప‌డ‌బోతున్నాడ‌ట‌. ఇప్ప‌టికే ఈ సినిమా టీజ‌ర్, సాంగ్స్ విడుద‌లై మంచి రెస్పాన్స్‌ను రాబ‌ట్టుకున్నాయి. సురేష్ ప్రొడ‌క్ష‌న్స్‌, పీపుల్ మీడియా ఫ్యాక్ట‌రీ బ్యాన‌ర్స్‌పై టీజీ విశ్వ‌ప్ర‌సాద్‌, డి.సురేష్‌బాబు ఈ చిత్రాన్ని నిర్మిస్తున్నారు. కె.ఎస్‌.ర‌వీంద్ర‌(బాబీ) ద‌ర్శ‌కుడు.