రానా, మిహీక పెళ్లి తేదీ మార్పుపై క్లారిటీ
- IndiaGlitz, [Wednesday,June 10 2020]
సినీ ప‌రిశ్ర‌మ‌లో ద‌గ్గుబాటి వారికి ప్ర‌త్యేక‌మైన గుర్తింపు ఉంది. వీరి మూడోత‌రంగా సినీ రంగంలో త‌న‌దైన గుర్తింపు సంపాదించుకున్నాడు రానా ద‌గ్గుబాటి. ఈ పాన్ ఇండియా న‌టుడు, మిహీకా బ‌జాజ్‌ను పెళ్లి చేసుకోనున్న సంగ‌తి తెలిసిందే. ఇటీవ‌ల రానా ద‌గ్గుబాటి, మిహీకా బ‌జాజ్‌కు రోకా కూడా జ‌రిగింది. రానా, మిహీకల మ్యారేజ్‌ ఆగ‌స్ట్ 8న హైద‌రాబాద్‌లో జ‌రుగుతుందని సురేష్ బాబు ఇటీవ‌ల ఓ ఇంట‌ర్వ్యూలో తెలియ‌జేసిన సంగ‌తి తెలిసిందే. రానా ప్రేమ గురించిన విష‌యాన్ని బ‌హిరంగంగా ప్ర‌క‌టించిన‌ప్పుడు రానా తండ్రి, ప్రముఖ నిర్మాత డి.సురేశ్‌బాబు రానా పెళ్లి ఈ ఏడాది చివ‌ర‌లో ఉంటుంద‌ని చెప్పారు. ఆ ప్ర‌కారం డిసెంబ‌ర్‌లో రానా, మిహీక పెళ్లి జ‌ర‌గ‌నుందని అంద‌రూ అనుకున్నారు.అయితే ఆగ‌స్ట్ 8నే వీరికి పెళ్లి చేయాల‌ని ఇరు కుటుంబాల పెద్ద‌లు అనుకున్నారు.
అయితే సోష‌ల్ మీడియాలో రీసెంట్‌గా కరోనా ఎఫెక్ట్‌, షూటింగ్స్ ప్రారంభం కావ‌డం త‌దిత‌ర కార‌ణాల‌తో వీరి పెళ్లి వాయిదా ప‌డే అవ‌కాశం ఉంద‌ని వార్త‌లు వినిపించాయి. అయితే ఈ వార్త‌ల‌పై ఇరు కుంటుంబాల పెద్ద‌లు స్పందించారు. రానా, మిహీక పెళ్లి వాయిదా ప‌డ‌న‌నుందంటూ వస్తున్న వార్త‌ల్లో నిజం లేదంటూ ఆగ‌స్ట్ 8నే వీరి పెళ్లి జ‌ర‌గ‌నుందంటూ తెలియ‌జేశారు. ఇక సినిమాల విష‌యానికి వ‌స్తే రానా హీరోగా న‌టించిన అర‌ణ్య విడుద‌ల‌కు సిద్ధంగా ఉంది. మ‌రో ప‌క్క సాయిప‌ల్ల‌వితో క‌లిసి విరాట‌ప‌ర్వం చిత్రంలో రానా న‌టిస్తున్న సంగ‌తి తెలిసిందే.