సుప్రీం సంచలన తీర్పు.. ఆర్టీఐ పరిధిలోకి సీజేఐ
- IndiaGlitz, [Wednesday,November 13 2019]
దేశ అత్యున్న న్యాయస్థానం సుప్రీం కోర్టు సంచలన తీర్పునిచ్చింది. ఇకపై సీజేఐ కార్యాలయం ఆర్టీఐ పరిధిలోకి రానుంది. ఆర్టీఐ పరిధిలో సీజేఐ కార్యాలయం వస్తుందని సుప్రీంకోర్టు తీర్పునిచ్చింది. ఇదివరకే ఢిల్లీ ఈ తీర్పునివ్వగా.. సుప్రీంకోర్టు దాన్ని సమర్థించింది. తీర్పు అనంతరం సుప్రీం పలు ఆదేశాలు జారీ చేసింది. ఆర్టీఐని నిఘా కోసం వాడరాదని సుప్రీం హెచ్చరికలు జారీ చేసింది. పారదర్శకత కోసమే ఈ నిర్ణయం తీసుకుంటున్నట్లు సుప్రీం స్పష్టం చేసింది. పారదర్శకత అనేది న్యాయస్వేచ్ఛకు భంగకరం కాదని సుప్రీం తేల్చిచెప్పింది. అంతేకాదు.. గోప్యత హక్కు, సమాచార హక్కు అనేవి రెండూ కలిసిమెలిసి ఉండాలని కోర్టు అభిప్రాయపడింది.