‘ఇండియన్2’ నుంచి వాకౌట్ చేసిన స్టార్ సినిమాటోగ్రాఫర్
- IndiaGlitz, [Wednesday,February 10 2021]
సౌత్ ఇండియాలో భారీ చిత్రాల ప‌రంగా సెన్సేష‌న్ క్రియేట్ చేసిన డైరెక్ట‌ర్ శంక‌ర్ ఇప్పుడు ‘ఇండియన్2’ సినిమాను డైరెక్ట్ చేస్తున్న సంగతి తెలిసిందే. పాతికేళ్ల ముందు కమల్‌హాస‌న్‌తో ఈయ‌న తెర‌కెక్కించిన ‘ఇండియన్’కు ఇది సీక్వెల్‌. కొంత భాగం చిత్రీక‌ర‌ణ కూడా పూర్తయ్యింది. అయితే ఈ సినిమాకు చాలా అవాంత‌రాలు ఏర్ప‌డుతున్నాయి. బ‌డ్జెట్ స‌మ‌స్య కార‌ణంగా ఆగిన ఈ సినిమా, కొన్నిరోజుల‌కు ప్రారంభమైంది. సెట్స్లో జ‌రిగిన క్రేన్ ప్ర‌మాదంలో ముగ్గురు స‌హాయ‌కులు చనిపోవ‌డంతో పోలీస్ కేసు కార‌ణంగా మ‌రికొన్నాళ్లు ఆగింది. తీరా స్టార్ట్ చేద్దామ‌ని అనుకుంటుండ‌గా కోవిడ్ ప్ర‌భావం స్టార్ట్ కావ‌డంతో ఆగింది. కోవిడ్ ప్ర‌భావం త‌ర్వాత ‘ఇండియన్2’ షూటింగ్ ఇంకా రీస్టార్ట్ కాలేదు.
ఒకానొక ద‌శ‌లో ‘ఇండియన్2’ సినిమా ఆగిపోయింద‌నే వార్త‌లు కూడా వినిపించాయి. అయితే ఫిబ్ర‌వ‌రి నుంచి షూటింగ్ ప్రారంభ‌మ‌వుతుంద‌ని అంద‌రూ భావించారు. అయితే, ఇప్పుడు ఈ యూనిట్‌కు మ‌రో షాక్ త‌గిలింది. అదేంటంటే.. సినిమాకు ప‌నిచేస్తున్న స్టార్ సినిమాటోగ్రాఫర్ వెయిటింగ్‌ను భ‌రించ‌లేక.. ఉన్న ఇత‌ర క‌మిట్‌మెంట్స్ కార‌ణంగా ప్రాజెక్ట్ నుంచి బ‌య‌ట‌కు వ‌చ్చేశార‌ట. ఇప్పుడు చిత్ర యూనిట్ మ‌రో కెమెరామెన్‌ను వెతికి ప‌ట్టుకునే ప‌నిలో ఉంది.