ఆగస్టు 14న వస్తున్న 'సినిమా చూపిస్త మావ'
- IndiaGlitz, [Sunday,July 26 2015]
ఉయ్యాల జంపాల' జంట రాజ్‌తరుణ్‌-అవికాగోర్‌ నటిస్తున్న సినిమా చూపిస్త మావ' చిత్రాన్ని ఆగస్టు 14న విడుదల చేసేందుకు సన్నాహాలు చేస్తున్నామని నిర్మాతలు తెలిపారు. అంజిరెడ్డి ప్రొడక్షన్స్-ఆర్‌.డి.జి ప్రొడక్షన్స్ ప్రై॥లి॥ సంయుక్త సమర్పణలో.. ఆర్యత్‌ సినీ ఎంటర్‌టైన్‌మెంట్స్‌తో కలిసి లక్కీ మీడియా పతాకంపై నిర్మాణమవుతున్న ఈ చిత్రానికి త్రినాధరావు నక్కిన దర్శకత్వం వహిస్తున్నారు.
బోగాది అంజిరెడ్డి-బెక్కెం వేణుగోపాల్‌ (గోపి)- రూపేష్‌ డి.గోహిల్‌- జి.సునీత నిర్మిస్తున్న ఈ చిత్రం పాటలు మధుర ఆడియో' ద్వారా విడుదలై' సినీ సంగీత ప్రియులను విశేషంగా అరిస్తున్నాయి. శేఖర్‌చంద్ర ఈ చిత్రానికి సంగీత దర్శకుడు. సినిమా విడుదల తేదీని ప్రకటించేందుకు సంస్థ కార్యాయంలో ఏర్పాటు చేసిన మీడియా సమావేశంలో' నిర్మాతలు బెక్కెం వేణుగోపాల్‌, రాజశేఖర్‌రెడ్డి, చిత్ర దర్శకుడు త్రినాధరావు నక్కినతోపాటు ఈ చిత్రం ద్వారా డైలాగ్‌ రైటర్‌గా ఇంట్రడ్యూస్‌ అవుతున్న ప్రసన్నకుమార్‌ పాల్గొని చిత్ర విశేషాలు వెల్లడించారు.
శేఖర్‌చంద్ర సంగీత సారధ్యంలో రూపొంది, మధుర ఆడియో ద్వారా విడుదలైన సినిమా చూపిస్త మావ' పాటలకు వస్తున్న స్పందన తమకు ఎంతో సంతోషాన్ని కలిగిస్తోందని ఈ సందర్భంగా వారు పేర్కొన్నారు. టీజర్‌ రిలీజ్‌ చేసినప్పుడు ఈ సినిమాపై మొదలైన క్యూరియాసిటీ' ఆడియో రిలీజ్‌ తర్వాత క్రేజ్‌గా మారిందని, సినిమాపై పెరిగిన అంచనాలను దృష్టిలో ఉంచుకొని, అవుట్‌పుట్‌కు మరిన్ని మెరుగు దిద్ది- హంగు అద్దుతున్నామని.. త్వరలోనే సెన్సార్‌ చేయించి, ఆగస్టు 14న సినిమా చూపిస్త మావ' చిత్రాన్ని విడుద చేసేందుకు సన్నాహాలు చేస్తున్నామని ప్రకటించారు.
బ్రహ్మానందం, రావు రమేష్‌, తోటపల్లి మధు, కృష్ణభగవాన్‌, పోసాని, సప్తగిరి, మేల్కొటే, జయక్ష్మి, మాధవి, సునీతవర్మ ఇతర ముఖ్యపాత్రలు పోషిస్తున్న ఈ చిత్రానికి.. సంభాషణలు: ప్రసన్న జె.కుమార్‌, సినిమాటోగ్రఫి: సాయి శ్రీరామ్‌-దాశరధి శివేంద్ర, నిర్మాతలు: బోగాది అంజిరెడ్డి-బెక్కెం వేణుగోపాల్‌(గోపి)-రూపేష్‌ డి.గోహిల్‌-జి.సునీత, కథ-స్క్రీన్‌ప్లే-దర్శకత్వం: త్రినాధరావు నక్కిన!!