తండ్రి పుట్టిన‌రోజున కొడుకు మూవీ టీజ‌ర్ రిలీజ్..
- IndiaGlitz, [Tuesday,July 26 2016]
తండ్రి పుట్టిన‌రోజున కొడుకు మూవీ టీజ‌ర్ రిలీజ్ చేయ‌నున్నారు. ఇంత‌కీ...ఆ తండ్రి కొడుకులు ఎవ‌ర‌నుకుంటున్నారా..? సాయికుమార్ - ఆది. వీర‌భ‌ద్ర‌మ్ ద‌ర్శ‌క‌త్వంలో ఆది న‌టించిన చిత్రం చుట్టాలబ్బాయి. ఈ చిత్రంలో సాయికుమార్ కీల‌క‌పాత్ర పోషించారు. ఫ్యామిలీ ఎంట‌ర్ టైన‌ర్ గా రూపొందిన చుట్టాలబ్బాయి చిత్రాన్ని ఆగ‌ష్టు 5న రిలీజ్ చేయ‌డానికి ప్లాన్ చేసారు.
ఇటీవ‌ల రిలీజైన ఆడియో & ట్రైల‌ర్ కు మంచి రెస్పాన్స్ ల‌భించింది. ఇదిలా ఉంటే... ఈ నెల 27న డైలాగ్ కింగ్ సాయికుమార్ పుట్టిన‌రోజు. ఈ సంద‌ర్భంగా చుట్టాలబ్బాయి కొత్త టీజ‌ర్ ను రిలీజ్ చేయ‌డానికి ప్లాన్ చేస్తున్నారు. ఈ విష‌యాన్ని హీరో ఆది ట్విట్ట‌ర్ ద్వారా తెలియ‌చేసారు. ఈ చిత్రం ఆది, వీర‌భ‌ద్ర‌మ్ కెరీర్ లో సూప‌ర్ హిట్ చిత్రంగా నిలుస్తుంది అని న‌మ్మ‌కంతో ఉన్నారు. మ‌రి...చుట్టాలబ్బాయి ఎలాంటి ఫ‌లితాన్ని అందిస్తుందో చూడాలి.