సాయికుమార్ త‌న‌యుడు ఆది హీరోగా వీర‌భ‌ద్ర‌మ్ చౌద‌రి ద‌ర్శ‌క‌త్వంలో రూపొందుతున్న చిత్రం చుట్టాల‌బ్బాయి. శ్రీ ఐశ్వ‌ర్య ల‌క్ష్మీ మూవీస్ బ్యాన‌ర్ పై రామ్ తాల్లూరి, వెంక‌ట్ త‌లారి సంయుక్తంగా ఈ చిత్రాన్ని నిర్మించారు. త‌మ‌న్ మ్యూజిక్ అందించిన చుట్టాల‌బ్బాయి ఆడియోకు మంచి స్పంద‌న ల‌భిస్తోంది. ఇక మూవీ రిలీజ్ విష‌యానికి వ‌స్తే...చుట్టాల‌బ్బాయి చిత్రాన్ని ఆగ‌ష్టు 5న రిలీజ్ చేయాల‌నుకున్నారు కానీ...కుద‌ర‌లేదు.

తాజా స‌మాచారం ప్ర‌కారం...ఈ చిత్రాన్ని ఆగ‌ష్టు 13న రిలీజ్ చేయ‌నున్నారు. ఆది, సాయికుమార్ ఫ‌స్ట్ టైమ్ క‌లిసి న‌టించిన ఈ చిత్రం పై పాజిటివ్ టాక్ ఉంది. అలాగే ఫ్యామిలీ ఎంట‌ర్ టైన‌ర్ గా రూపొందిన చుట్టాల‌బ్బాయి చిత్రం హీరో ఆది, డైరెక్ట‌ర్ వీర‌భ‌ద్ర‌మ్ కెరీర్ లో సూప‌ర్ హిట్ చిత్రంగా నిలుస్తుంద‌ని న‌మ్మ‌కంతో ఉన్నారు. మ‌రి...వీరి న‌మ్మ‌కం నిజం అవుతుందో లేదో తెలియాలంటే ఈనెల 13 వ‌ర‌కు ఆగాల్సిందే.