ఆ రోజే...చుట్టాల‌బ్బాయి కూడా వ‌స్తున్నాడు
- IndiaGlitz, [Wednesday,July 20 2016]
సాయికుమార్ త‌న‌యుడు ఆది హీరోగా వీర‌భ‌ద్ర‌మ్ చౌద‌రి ద‌ర్శ‌క‌త్వంలో రూపొందుతున్న చిత్రం చుట్టాల‌బ్బాయి. ఈ చిత్రంలో ఆది స‌ర‌స‌న న‌మిత, యామిని హీరోయిన్స్ గా న‌టించారు. శ్రీ ఐశ్వ‌ర్య ల‌క్ష్మీ మూవీస్ బ్యాన‌ర్ పై రామ్, వెంక‌ట్ త‌లారి సంయుక్తంగా ఈ చిత్రాన్ని నిర్మించారు. త‌మ‌న్ మ్యూజిక్ అందించిన చుట్టాల‌బ్బాయి ఆడియోకు మంచి స్పంద‌న ల‌భిస్తోంది.
ఇక మూవీ రిలీజ్ విష‌యానికి వ‌స్తే...ఈ రోజుతో చుట్టాల‌బ్బాయి షూటింగ్ పూర్త‌వుతుంది. అన్ని కార్య‌క్ర‌మాలు శ‌ర‌వేగంగా పూర్తి చేసి చుట్టాల‌బ్బాయి చిత్రాన్ని ఆగ‌ష్టు 5న రిలీజ్ చేయ‌డానికి ప్లాన్ చేస్తున్నారు. అయితే...ఆగ‌ష్టు 5న అల్లు శిరీష్ శ్రీర‌స్తు శుభ‌మ‌స్తు, మోహ‌న్ లాల్ మ‌న‌మంతా చిత్రాలు రిలీజ్ అవుతున్నాయి. ఈ రెండు చిత్రాల‌తో పాటు చుట్టాల‌బ్బాయి కూడా ప్రేక్ష‌కుల ముందుకు వ‌చ్చేస్తాడో...లేక కొంత గ్యాప్ తీసుకుని వ‌స్తాడో అనేది త్వ‌ర‌లో ప్ర‌క‌టించ‌నున్నారు.