தனுஷின் 'மாரி 2': பிரமாதமான புரமோஷன். சமூக வலைத்தளங்களில் எங்கு பார்த்தாலும் இந்த படத்தின் விளம்பரங்கள்தான். 3 பாடல்கள் ஏற்கனவே ஹிட்டாகிவிட்டது ஒரு பலம். முதல் பாதியை விட காமெடியை அதிகம் எதிர்பார்க்கலாம். நல்ல ஓப்பனிங் நிச்சயம். படத்தின் ரிசல்ட்டை பொறுத்து ஹிட்டாகலாம்.

சிவகார்த்திகேயனின் 'கனா': ஐஸ்வர்யா ராஜேஷின் கடின உழைப்பு டிரைலர், டீசரில் தெரிந்துள்ளதால் எதிர்பார்ப்பு பல மடங்கு ஏற்பட்டுள்ளது. அருண்காமராஜின் முதல் படம் என்பதால் ஜெயிக்க வேண்டும் என்ற வெறி ஒவ்வொரு பிரேமிலும் இருக்கும். டீசர், டிரைலர், பாடல்கள் ஹிட்டாகியுள்ளது ஒரு பிளஸ். சிவகார்த்திகேயனின் சிறப்பு தோற்றம் வெற்றிக்கு ஒரு காரணமாக அமையும்.

விஜய்சேதுபதியின் 'சீதக்காதி': விஜய்சேதுபதியின் கடின உழைப்பு ஒவ்வொரு பிரேமிலும் தெரிகிறது. டீசர், சினிக்பீக் வீடியோக்களில் இருக்கும் வசனங்கள் ஆச்சரியப்பட வைக்கின்றன. அய்யா ஆதிமூலம் வெற்றி பெற அதிக வாய்ப்புகள்.

ஜெயம் ரவியின் 'அடங்கமறு': சுமாரான எதிர்பார்ப்பே இந்த படத்திற்கு இருந்த நிலையில் சமீபத்தில் வெளிவந்த 6 நிமிட சினிக்பீக் வீடியோ, இந்த படத்தின் எதிர்பார்ப்பை உச்சத்திற்கு கொண்டு சென்றுவிட்டது. 'இரும்புத்திரை' போன்று டெக்னாலஜி கலந்த திரைக்கதை இந்த படத்தில் இருக்கும் என எதிர்பார்க்கப்படுகிறது.

விஷ்ணுவின் 'சிலுக்குவார்பட்டி சிங்கம்': காமெடிக்கு கியாரண்டியான படம் என்பது தெரிகிறது. பிக்பாஸ் நிகழ்ச்சிக்கு பின் வெளிவரும் ஓவியாவின் முதல் படம் என்பது ஒரு பெரிய பிளஸ். ரெஜினாவின் கவர்ச்சி, யோகிபாபுவின் காமெடி நிச்சயம் ரசிகர்களுக்கும் பிடிக்கும்.