చైతన్య ఇంట్లో క్రిస్మస్ సందడి..!
- IndiaGlitz, [Tuesday,December 13 2016]
డిసెంబ‌ర్ వ‌చ్చింది అంటే....క్రిస్మస్ సందడి మొద‌లైన‌ట్టే. అక్కినేని నాగ చైతన్య కూడా క్రిస్మస్ సెల‌బ్రేష‌న్స్ స్టార్ట్ చేసేసాడు. చైతన్య హిందువు క‌దా...మ‌రి చైతన్య ఇంట్లో క్రిస్మస్ సందడి ఏమిటి అనుకుంటున్నారా..? చైతన్య హిందువు అయిన‌ప్ప‌టికీ...స‌మంత క్రిస్టియ‌న్. అందుక‌నే ఇటు హిందు సంప్ర‌దాయం ప్ర‌కారం, అటు క్రిస్టియ‌న్ సంప్ర‌దాయం ప్ర‌కారం గుడిలోను, చ‌ర్చిలోను పెళ్లి చేసుకోవాల‌ని నిర్ణ‌యించుకున్నారు.
అయితే... గ‌తంలో చైతన్య, స‌మంత క‌లిసి పూజ చేస్తున్న ఫోటోలు బయటకు రావ‌డంతో స‌మంత మ‌తం మార్చుకుంది అంటూ వార్త‌లు వ‌చ్చాయి. ఆ వార్త‌ల‌ను చైతన్య ఖండిస్తూ...స‌మంత మ‌తం మార్చుకోవ‌డం అలాంటిది ఏమీ లేదు. త‌నని ఇష్ట‌ప‌డిన‌ప్పుడు తన పూజించే ఏసు క్రీస్తును కూడా ఇష్ట‌ప‌డ‌తాను. నాకు దేవుడి విష‌యంలో అలాంటి ప‌ట్టింపులు లేవు అన్నాడు. నిజంగానే చైత‌న్య‌కు దేవుడి విష‌యంలో అలాంటి ప‌ట్టింపులు లేవు. దానికి నిద‌ర్శ‌న‌మే ఈ ఫోటో..!