இயக்குனர் பாண்டிராஜ் இயக்கிய முதல் திரைப்படமான ’பசங்க’ என்ற திரைப்படத்தின் மூலம் தமிழ் சினிமா ரசிகர்களுக்கு அறிமுகமானவர் நடிகர் விமல். அதன் பின்னர் ’களவாணி’ ’கலகலப்பு’ ’மஞ்சப்பை’ உள்ளிட்ட பல திரைப்படங்களில் நடித்தார்.

இந்த நிலையில் தற்போது அவர் ’கன்னி ராசி’ என்ற திரைப்படத்தில் நடித்து வருகிறார் என்பதும் இந்த திரைப்படம் விரைவில் ரிலீசாக உள்ளது என்பதும் குறிப்பிடத்தக்கது. இந்த நிலையில் நடிகர் விமல் நடிக்கும் அடுத்த படத்தின் டைட்டில் சற்றுமுன் அறிவிக்கப்பட்டுள்ளது. இந்த படத்திற்கு ’சோழ நாடான்’ என்ற டைட்டில் வைக்கப்பட்டுள்ளது.

ரஞ்சித் கண்ணா என்பவர் இயக்கும் இந்த படத்திற்கு நவீன் சங்கர் என்பவர் இசையமைக்கிறார். நக்‌ஷத்திராபிரகாஷ் ஒளிப்பதிவில் நவீன்குமார் படத்தொகுப்பில் உருவாகும் இந்த படத்தை கோல்டன் ஷர்ஸ் என்ற நிறுவனம் தயாரிக்கிறது. இந்த படத்தின் அடுத்தகட்ட படப்பிடிப்பு லாக்டவுன் முடிந்தவுடன் தொடங்கும் என்றும், விரைவில் இந்த படம் ரிலீஸ் ஆகும் என்றும் படக்குழுவினர் தெரிவித்துள்ளனர்.