'சொல்லிட்டேன், என் உயிர் தளபதிக்கு ஆக்சன் சொல்லிட்டேன்: ஒரு பிரபலத்தின் டுவிட்
- IndiaGlitz, [Friday,December 20 2019]
தளபதி விஜய் நடிப்பில் இயக்குனர் லோகேஷ் கனகராஜ் இயக்கத்தில் அனிருத் இசையில் உருவாகி வரும் ’தளபதி 64’ படத்தின் படப்பிடிப்பு கர்நாடக மாநிலத்தில் உள்ள சிறைச்சாலையில் கடந்த சில நாட்களாக நடைபெற்று வருவது தெரிந்ததே.
இந்த நிலையில் கடந்த 2 நாட்களாக ஒரு பாடல் காட்சியின் படப்பிடிப்பு நடைபெற்று வருவதாகவும், இந்த பாடலுக்கு விஜய், சாந்தனு உள்பட பலர் நடனமாடி நடித்து வருவதாகவும் செய்திகள் வெளியாகி உள்ளது.
இந்த நிலையில் இந்த பாடலுக்கு நடன இயக்குனர் சதீஷ் நடனம் அமைத்து வருவதாக உறுதி செய்யப்பட்டுளது. இதுகுறித்து நடன இயக்குனர் சதீஷ், தனது சமூக வலைத்தளத்தில் கூறியபோது ’சொல்லிட்டேன், என் உயிர் தளபதிக்கு ஆக்சன் சொல்லிட்டேன்’ என்று குறிப்பிட்டு தனது மகிழ்ச்சியை தெரிவித்துள்ளார்.
விஜய், மாளவிகா மோகனன், விஜய்சேதுபதி, ஆண்ட்ரியா, சாந்தனு, அர்ஜூன் தாஸ், சஞ்சீவ், ஸ்ரீமான், ரம்யா, கெளரி கிஷான், தீனா உள்பட பலர் நடித்து வரும் இந்த படத்திற்கு அனிருத் இசையமைத்து வருகிறார். சத்யன் சூரியன் ஒளிப்பதிவில், பிலோமினா ராஜ் படத்தொகுப்பில் உருவாகி வரும் இந்த படத்தை விஜய்யின் உறவினர் சேவியர் பிரிட்டோ தயாரித்து வருகிறார். இந்த படம் வரும் ஏப்ரல் மாதம் வெளியாகவுள்ளது.