சீயான் விக்ரமின் மகன் துருவ் அறிமுகமாகும் தமிழ்ப்படம்
- IndiaGlitz, [Sunday,October 01 2017]
தமிழ் திரையுலகின் முன்னணி நடிகர்களில் ஒருவராகிய சீயான் விக்ரமின் மகன் துருவ் கடந்த சில மாதங்களாகவே தமிழ் திரையுலகில் அறிமுகமாகவுள்ளதாக செய்திகள் வெளிவந்த நிலையில் தற்போது அந்த செய்தி உறுதியாகியுள்ளது.
தெலுங்கில் சூப்பர் ஹிட் ஆன அர்ஜூன்ரெட்டி' படத்தின் தமிழ் ரீமேக் படத்தில் விக்ரம் மகன் துருவ் அறிமுகமாகிறார். இந்த தகவலை விக்ரம் தனது சமூக வலைத்தளத்தில் உறுதி செய்துள்ளார். தெலுங்கில் சூப்பர் ஹிட்டான படத்தில் துருவ் அறிமுகம் ஆவதால் அவரது அறிமுகப்படம் நல்ல வெற்றியை பெரும் என்று எதிர்பார்க்கப்படுகிறது.
இந்த படத்தில் நடிக்கும் மற்ற நடிகர், நடிகையர் மற்றும் தொழில்நுட்ப கலைஞர்கள் குறித்த தகவல் இன்னும் ஓரிரு நாட்களில் வெளிவரும் என்று எதிர்பார்க்கப்படுகிறது. தமிழ் திரையுலகில் காலடி எடுத்து வைக்கும் துருவ் தந்தையை போல் பல சாதனைகள் புரிய IndiaGlitz தனது வாழ்த்துக்களை தெரிவித்து கொள்கிறது.