செம்ம ஸ்டைலில் சியான் விக்ரம்.. அடுத்த பட அறிவிப்பு எப்போது?
- IndiaGlitz, [Sunday,October 08 2023]
நடிகர் சியான் விக்ரம் ஸ்டைலாக இருக்கும் புகைப்படம் சற்றுமுன் இணைய தளங்களில் வெளியாகி வைரலாகி வரும் நிலையில் ரசிகர்கள் அவரிடம் அடுத்த பட அறிவிப்பு எப்போது என கேள்வி எழுப்பி வருகின்றனர்
விக்ரம் நடித்த ’பொன்னியின் செல்வன் 2’ திரைப்படம் கடந்த ஏப்ரல் மாதம் வெளியாகி நல்ல வரவேற்பை பெற்றது. அதன் பின்னர் அவர் ’தங்கலான்’ என்ற திரைப்படத்தில் நடித்து முடித்துள்ளார் என்பதும் இந்த படத்தின் படப்பிடிப்பு கடந்த ஜூலை மாதம் முடிவடைந்தது என்பது குறிப்பிடத்தக்கது.
மேலும் விக்ரம் நடிப்பில் நீண்ட காலமாக கிடப்பில் இருந்த ’துருவ நட்சத்திரம்’ என்ற திரைப்படத்தின் ரிலீஸ் தேதி சமீபத்தில் அறிவிக்கப்பட்டது என்பதும் இந்த படம் நவம்பர் மாதம் வெளியாகிறது என்பது குறிப்பிடத்தக்கது.
இந்த நிலையில் ’தங்கலான்’ படத்தின் படப்பிடிப்பு ஜூலை மாதம் முடிவடைந்த நிலையில் கிட்டத்தட்ட இரண்டு மாதங்களுக்கு மேலாகியும் விக்ரம் நடிக்க இருக்கும் அடுத்த திரைப்படத்தின் அறிவிப்பு வெளியாகவில்லை. ஆனால் அதே நேரத்தில் பிரபல இயக்குனர்களுடன் பேச்சு வார்த்தைகளில் ஈடுபட்டு வருவதாக கூறப்படுகிறது.
இந்த நிலையில் இன்று வெளியாகி இருக்கும் விக்ரமின் ஸ்டைலிஷ் ஆன புகைப்படத்தை பார்த்த ரசிகர்கள் விரைவில் அடுத்த பட அப்டேட்டை வெளியிடுங்கள் என்று கோரிக்கை எடுத்து வருகின்றனர்.