ரஜினியின் அடுத்த படத்தில் சியான் விக்ரம் வில்லனா? சம்பளம் எத்தனை கோடி தெரியுமா?
- IndiaGlitz, [Tuesday,May 16 2023]
சூப்பர் ஸ்டார் ரஜினிகாந்த் நடிக்க இருக்கும் அடுத்த திரைப்படத்தில் சியான் விக்ரம் வில்லனாக நடிக்க இருப்பதாகவும் அதற்காக அவருக்கு மிகப்பெரிய தொகையை வழங்க ஒப்புக் கொண்டு இருப்பதாகவும் தகவல் வெளியாகியுள்ளன.
சூப்பர் ஸ்டார் ரஜினிகாந்த் தற்போது ’ஜெயிலர்’ என்ற திரைப்படத்தில் நடித்து முடித்துள்ள நிலையில் அடுத்ததாக அவர் ஐஸ்வர்யா ரஜினிகாந்த் இயக்கி வரும் ’லால் சலாம்’ என்ற படத்தில் நடித்து வருகிறார்.
இந்த நிலையில் ’தலைவர் 170’ என்ற திரைப்படத்தில் ரஜினிகாந்த் நடிக்க இருக்கும் நிலையில் இந்த படத்தை ’ஜெய்பீம்’ இயக்குனர் ஞானவேல் இயக்க உள்ளார் என்பது இந்த படத்தின் ஆரம்பகட்ட பணிகள் நடந்து வருகின்றன என்பது குறிப்பிடத்தக்கது.
லைகா நிறுவனத்தின் பிரமாண்டமான தயாரிப்பில் உருவாக இருக்கும் இந்த திரைப்படத்தில் சியான் விக்ரம் வில்லனாக நடிக்க பேச்சுவார்த்தை நடத்தப்பட்டதாகவும் அதற்கு விக்ரம் ஒப்புக்கொண்டதாகவும் கூறப்படுகிறது. இந்த படத்தில் விக்ரமின் கேரக்டர் நடிப்புக்கு சரியான தீனி இருக்கும் வகையில் அமைந்துள்ளதே வில்லனாக நடிக்க விக்ரம் ஒப்பு கொண்டதாக கூறப்படுகிறது.
மேலும் இந்த படத்தில் வில்லனாக நடிப்பதற்கு சியான் விக்ரமுக்கு லைகா நிறுவனம் 50 கோடி ரூபாய் ஒரே பேமண்டில் கொடுக்க ஒப்புக் கொண்டதாகவும் இதனை அடுத்து விக்ரம் இந்த படத்தில் நடிப்பது குறித்து அறிவிப்பு விரைவில் வெளியாகும் என்றும் கூறப்படுகிறது.
முதல் முறையாக ரஜினிகாந்த் படத்தில் விக்ரம் நடிக்க இருப்பதும் குறிப்பாக வில்லனாக நடிக்க இருப்பதும் கோலிவுட் திரை உலகினர்களுக்கு ஆச்சரியத்தை ஏற்படுத்தியுள்ளது.