முதல் 2 படங்கள் சூப்பர் ஹிட்.. 3வது படத்தில் விக்ரம்.. பிரபல இயக்குனரின் அடுத்த பட அப்டேட்..!
- IndiaGlitz, [Friday,December 13 2024]
தமிழ் திரை உலகில் முதல் இரண்டு படங்களை சூப்பர் ஹிட் படமாக கொடுத்த பிரபல இயக்குனரின் அடுத்த படத்தில் சியான் விக்ரம் நடிக்க இருப்பதாக அறிவிக்கப்பட்டுள்ளது.
யோகி பாபு நடித்த ’மண்டேலா’ மற்றும் சிவகார்த்திகேயன் நடித்த ’மாவீரன்’ ஆகிய இரண்டு படங்களை இயக்கியவர் இயக்குனர் மடோன் அஸ்வின். இவரது இயக்கத்தில் உருவாக இருக்கும் மூன்றாவது படம் குறித்த அறிவிப்பு விரைவில் வெளியாகும் என்று செய்திகள் வெளியாகி கொண்டிருந்தன.
சற்று முன், இந்த படம் குறித்த அதிகாரப்பூர்வ அறிவிப்பு வெளியாகியுள்ளது. பிரபல தயாரிப்பு நிறுவனங்களில் ஒன்றான சாந்தி டாக்கீஸ் நிறுவனம் தனது சமூக வலைத்தளத்தில் இந்த அறிவிப்பை வெளியிட்டுள்ளது.
மடோன் அஸ்வின் இயக்கத்தில், விக்ரம் நடிப்பில் உருவாக இருக்கும் திரைப்படத்தை தயாரிப்பதில் நாங்கள் பெருமை கொள்கிறோம் என்று அறிவித்துள்ள சாந்தி டாக்கீஸ் நிறுவனம், விரைவில் இந்த படம் குறித்த மற்ற அப்டேட்களையும் வெளியிட இருப்பதாக தெரிவித்துள்ளது.
சியான் விக்ரம் தற்போது அருண்குமார் இயக்கத்தில் உருவாகி வரும் ’வீர தீர சூரன்’ என்ற படத்தில் நடித்து வருகிறார். இந்த நிலையில், விக்ரமின் 63வது படமாக மடோன் அஸ்வின் படம் உருவாக உள்ளது என்பது குறிப்பிடத்தக்கது.
Extremely happy to announce our Production No.3 with @chiyaan sir for #Chiyaan63 ! Thank you for letting us to be a part of your incredible journey sir!
— Shanthi Talkies (@ShanthiTalkies) December 13, 2024
It’s a pleasure to work with @madonneashwin for the second time! Looking forward to have yet another memorable experience!… pic.twitter.com/AUcq8VyWRb