'சாமி'க்கும் 'சாமி 2'க்கும் உள்ள மிகப்பெரிய வித்தியாசம் இதுதான்!!
- IndiaGlitz, [Saturday,August 06 2016]
விக்ரம் நடிப்பில் ஹரி இயக்கிய 'சாமி' திரைப்படத்தின் இரண்டாம் பாகம் மிக விரைவில் தொடங்கவுள்ளதாக 'இருமுகன்' இசை வெளியீட்டு விழாவில் இயக்குனர் ஹரி அறிவித்தார் என்ற செய்தியை ஏற்கனவே பார்த்தோம். இந்நிலையில் 'சாமி' படத்திற்கும் 'சாமி 2' படத்திற்கும் மிகப்பெரிய வித்தியாசம் இருப்பதாக தற்போது செய்திகள் வெளிவந்துள்ளது.
'சாமி' படத்தில் விக்ரம், ஆறுச்சாமி' என்ற நேர்மையான போலீஸ் அதிகாரியாக நடித்திருப்பார். திருநெல்வேலி நகரமே ஆறுச்சாமியின் அதிரடி நடவடிக்கையால் முற்றிலும் மாறியிருக்கும் வகையில் இந்த படம் உருவாக்கப்பட்டிருக்கும். இந்த நிலையில் 'சாமி 2' படத்தில் விக்ரம் நெகட்டிவ் கேரக்டரில் நடிக்கவுள்ளதாக செய்திகள் கசிந்துள்ளது. இந்த படம் விக்ரமின் இன்னொரு பரிணாமத்தை வெளிப்படுத்தும் என கூறப்படுகிறது.
ஹாரீஸ் ஜெயராஜ் இசையில், ஹரி இயக்கத்தில், ஷிபுதமீன்ஸ் தயாரிப்பில் உருவாகவுள்ள இந்த படத்தின் படப்பிடிப்பு இவ்வருட இறுதியில் தொடங்கும் என எதிர்பார்க்கப்படுகிறது.