சின்னத்திரை நடிகை சித்ரா கடந்த சில மாதங்களுக்கு முன்னர் தனியார் ரிசார்ட் ஒன்றில் தற்கொலை செய்து கொண்ட தகவல் சின்னத் திரை உலகை பெரும் அதிர்ச்சியை ஏற்படுத்தியுள்ளது என்பது தெரிந்ததே.

இந்த தற்கொலை குறித்து போலீசார் வழக்கு பதிவு செய்து விசாரணை செய்து வந்த நிலையில் அவரது கணவர் ஹேமந்த் தான் தற்கொலைக்கு காரணம் என குற்றம்சாட்டி அவரை கைது செய்தனர்.

இந்த நிலையில் தன்னை இந்த வழக்கில் இருந்து விடுவிக்க வேண்டும் என்றும் தனக்கு ஜாமீன் வழங்கவேண்டும் என்றும் ஹேமந்த் சென்னை உயர்நீதிமன்றத்தில் மனு தாக்கல் செய்தார். மேலும் தான் கைது செய்யப்பட்டு 60 நாட்கள் ஆகியும் குற்றப்பத்திரிகை இன்னும் தன் மீது தாக்கல் செய்யப்படவில்லை என்றும் அவர் குறிப்பிட்டிருந்தார்.

இதனையடுத்து கைது செய்யப்பட்டு 60 நாட்கள் கடந்தும் குற்றப்பத்திரிகை தாக்கல் செய்யப்படாததால் சித்ரா கணவர் ஹேமந்த்துக்கு நிபந்தனை ஜாமீன் வழங்கி சென்னை உயர்நீதிமன்றம் உத்தரவிட்டது. இதனை அடுத்து இன்னும் ஓரிரு நாட்களில் ஹேமந்த் சிறையில் இருந்து வெளியே வருவார் என்று எதிர்பார்க்கப்படுகிறது.