చిరు ఆ రైట‌ర్ ని అప్పుడే గుర్తించారు..
- IndiaGlitz, [Monday,July 18 2016]
మెగాస్టార్ చిరంజీవి 150వ చిత్రం హైద‌రాబాద్ లో శ‌ర‌వేగంగా షూటింగ్ జ‌రుపుకుంటుంది. వినాయ‌క్ ద‌ర్శ‌క‌త్వంలో రూపొందుతున్న ఈ చిత్రానికి ప‌రుచూరి బ్ర‌ద‌ర్స్ & ఆకుల శివ వ‌ర్క్ చేసారు. అయితే...తాజాగా చిరు ర‌చ‌యిత సాయిమాధవ్ బుర్రాకు అవ‌కాశం ఇచ్చార‌ట. కొన్ని సీన్స్ ఇచ్చి రాయ‌మ‌న్నార‌ట. సాయిమాధవ్ రాసిన సీన్స్ చిరుకు బాగా న‌చ్చ‌డంతో మ‌రికొన్ని సీన్స్ రాయిస్తున్నార‌ట. అలా సాయిమాధవ్ రాస్తున్న సీన్స్ లో క్లైమాక్స్ కూడా ఉంద‌ని స‌మాచారం.
అస‌లు...చిరు సాయిమాధవ్ కి అవ‌కాశం ఇవ్వ‌డానికి కార‌ణం ఏమిటంటే...కంచె చిత్రానికి సాయిమాధవ్ రాసిన సంభాష‌ణ‌లు చిరంజీవిని బాగా ఆక‌ట్టుకున్నాయి. కంచె గురించి చిరు ప్రెస్ మీట్ పెట్టి మ‌రీ...కంచెలో డైలాగులు చెప్పేసి సాయిమాధవ్ ని మెచ్చుకున్నారు. అంత‌లా ఆక‌ట్టుకున్నాడు క‌నుక‌నే ఇప్పుడు ఏకంగా త‌న 150వ చిత్రానికి సంభాష‌ణ‌లు రాసే అవ‌కాశం ఇచ్చారు. అంతా బాగానే ఉంది కానీ...ఈ చిత్రంలో న‌టించే హీరోయిన్ ఎవ‌ర‌నేదే మాత్రం ఇప్ప‌టికీ ఫైన‌ల్ కాలేదు. ఇంకెప్పుడు హీరోయిన్ ని ఫైన‌ల్ చేస్తారో..?