తిరుమలలో నాగ్, చిరు, సచిన్..
- IndiaGlitz, [Wednesday,June 01 2016]
భార‌త క్రికెట్ లెజెండ్ సచిన్ టెండూల్క‌ర్, తెలుగు సినీ దిగ్గ‌జాలు చిరంజీవి, నాగార్జున, సినీ వ్యాపార ప్ర‌ముఖులు అల్లు అర‌వింద్, నిమ్మ‌గ‌డ్డ ప్ర‌సాద్ నిన్న తిరుమ‌ల వ‌చ్చారు. వీరికి రాత్రి 8 గంట‌ల స‌మ‌యంలో తిరుమ‌ల‌లోని శ్రీకృష్ణ అతిథిగృహం వ‌ద్ద టీటీడీ రిసెప్ష‌న్ డిప్యూటీ ఈవో హ‌రీంద్ర‌నాథ్ పుష్ప‌గుచ్చంతో స్వాగ‌తం ప‌లికారు. సచిన్ టెండూల్క‌ర్ మాత్రం స‌తీమ‌ణి అంజ‌లితో క‌లిసి వ‌చ్చారు.
వీరు తిరుమ‌ల‌కు రావ‌డానికి కార‌ణం ఏమిటి అనేది తెలియ‌లేదు. అయితే...క్రికెట్, సినీ, వ్యాపార దిగ్గ‌జాలుగా ఎదిగిన వీరి సంయుక్త నేతృత్వంలో స‌రికొత్త ప్రాజెక్టు రూప‌క‌ల్ప‌న జ‌రిగే అవ‌కాశం ఉంద‌ని ప్ర‌చారం జ‌రుగుతోంది. అందులో భాగంగానే శ్రీ వెంక‌టేశ్వ‌ర స్వామి వారి ఆశీస్సులు అందుకునేందుకు వ‌చ్చిన‌ట్టు స‌మాచారం. వీరంద‌రూ ప్ర‌త్యేక విమానంలో తిరుప‌తి విమానాశ్ర‌యానికి చేరుకుని, అక్క‌డి నుంచి తిరుమ‌ల‌కు వ‌చ్చారు. ఈ సంద‌ర్భంగా అర‌గంట త‌ర్వాత అతిథి గృహంలోనే వీరంద‌రూ గ్రూప్ ఫోటో దిగి సంద‌డి చేసారు. ఈరోజు (బుధ‌వారం) ఉద‌యం శ్రీవారిని ద‌ర్శించుకుని అనంత‌రం అదే విమానంలో తిరిగి ప్ర‌యాణ‌మ‌వుతారు.