అమ్మ అనే పదంలోనే కమ్మదనం ఉంది. అది సామాన్యుడి నుంచి సెలబ్రిటీ వరకూ తల్లి అంటే ఉండే మమకారం అంతా ఇంతా కాదు. ఇవాళ మెగాస్టార్ చిరంజీవి తల్లి అంజనాదేవి పుట్టినరోజు. ఈ సందర్భంగా మెగాస్టార్ సోషల్ మీడియా వేదికగా ఒక ఎమోషనల్ పోస్ట్ పెట్టారు. ‘జన్మనిచ్చిన అమ్మకు జన్మదిన శుభాకాంక్షలు’ అంటూ చిరు పెట్టిన పోస్ట్.. షేర్ చేసిన వీడియో అభిమానులను విపరీతంగా ఆకట్టుకుంటోంది. చిరు పోస్టును అభిమానులు లైక్‌లతో ముంచెత్తుతున్నారు.

అంజనీ దేవి తన ముగ్గురు కుమారులు చిరంజీవి, నాగబాబు, పవన్ కల్యాణ్‌లతో ఉన్న ఫోటోలను ప్రముఖంగా.. అలాగే తన కూతుళ్లు మనవళ్లు, మనవరాళ్లతో చాలా ఆనందంగా ఉన్న ఫోటోలతో అద్భుతమైన బ్యాక్‌గ్రౌండ్ మ్యూజిక్‌తో ఒక వీడియోను క్రియేట్ చేశారు. ఆ వీడియోను చిరు ఇన్‌స్టాగ్రాంలో షేర్ చేశారు. తన తల్లిపై తనకున్న ప్రేమాభిమానాలను చిరు ఆ వీడియో ద్వారా వ్యక్తపరిచారు. మెగా అభిమానులు సైతం చిరు తల్లికి పుట్టిన రోజు శుభాకాంక్షలు తెలిపారు.