తన పుట్టిన‌రోజు(ఆగ‌స్ట్ 22) సంద‌ర్భంగా త‌న 152వ చిత్రం ‘ఆచార్య‌’ సినిమా టైటిల్ లుక్‌, మోష‌న్ పోస్ట‌ర్‌ను విడుద‌ల చేశారు. ఈ మోష‌న్ పోస్ట‌ర్ చిరంజీవి క్యారెక్ట‌ర్‌ను ఎలివేట్ చేసేలా ఉంది. చిరు పాత్ర ఎర్ర కండువా క‌ప్పుకుని దుండ‌గుల‌ను ఎదిరిస్తున్నారు. ధ‌ర్మ‌స్థ‌లి అనే ప్రాంతంలోనే ఈ క‌థ ర‌న్ అవుతుంద‌ని పోస్ట‌ర్‌ను చూస్తే అర్థ‌మ‌వుతుంది. ఇన్నాళ్లు చిరు న‌క్స‌లైట్ పాత్ర‌లో క‌నిపిస్తార‌నే వార్త‌ల‌ను నిజం చేసేలా పోస్ట‌ర్‌ను విడుద‌ల చేశారు. తాజాగా ఈ సినిమాకు సంబంధించి మ‌రో ఆస‌క్తిక‌ర‌మైన వార్తొక‌టి నెట్టింట చ‌క్క‌ర్లు కొడుతుంది.

అదేంటంటే.. త‌న ఫ్యాన్స్‌ను దృష్టిలో పెట్టుకుని చిరంజీవి త‌న ‘ఆచార్య’ నుండి తొలి పాట‌ను విడుద‌ల చేయాల‌ని అనుకుంటున్నార‌ట‌. చాలా గ్యాప్ తర్వాత చిరంజీవి, మణిశర్మ కాంబినేషన్లో వస్తున్న చిత్రం కావడంతో మణిశర్మ తన రేంజ్ చూపించుకోడానికి మంచి మ్యూజిక్‌నే అందించి ఉంటాడ‌నే వార్త‌లు వినిపిస్తున్నాయి. ఒక‌వేళ ఇదే నిజ‌మైతే ఈ పాట టైటిల్ ట్రాక్ అవుతుందా? లేక మెలోడీ సాంగ్ అవుతుందా? అనే విష‌యం ఆస‌క్తిక‌రంగా మారింది. క‌మ‌ర్షియ‌ల్ ఎలిమెంట్స్‌తో పాటు మెసేజ్ చిత్రాల‌ను తెర‌కెక్కించే ద‌ర్శ‌కుడు కొర‌టాల శివ డైరెక్ష‌న్‌లో శ్రీమ‌తి సురేఖ కొణిదెల స‌మ‌ర్ప‌కురాలిగా నిరంజ‌న్ రెడ్డి నిర్మిస్తోన్న చిత్ర‌మిది. వ‌చ్చే ఏడాది సినిమా విడుద‌ల కానుంది.