చిరు కోరిక ఇలా తీరుతుంది
- IndiaGlitz, [Friday,September 18 2015]
మెగా ప‌వ‌ర్ స్టార్ రాంచరణ్ బ్రూస్ లీ చిత్రంలో మెగాస్టార్ చిరంజీవి ఓ ముఖ్య‌పాత్ర‌లో న‌టిస్తున్న విషయం తెలిసిందే. ఈ చిత్రంలో చిరు, చరణ్ కాంబ‌నేష‌న్లో ఓ సాంగ్ ప్లాన్ చేసారు. ఈ సాంగ్ లో చిరు, చరణ్ ల‌తో కాళు క‌దిపి స్టెప్స్ వేసే హీరోయిన్ ఇలియాన అంటూ ప్ర‌చారం జ‌రిగింది. కానీ తాజా స‌మాచారం ప్ర‌కారం ఇలియాన ప్లేస్ లో త‌మ‌న్నా వ‌చ్చింద‌ట. ఇదే క‌నుక నిజ‌మైతే...చిరు, చరణ్ ల‌తో క‌ల‌సి స్టెప్సే వేసే అరుదైన అవ‌కాశాన్ని త‌మ‌న్నా ద‌క్కించుకున్న‌ట్టే.
అయితే.. త‌మ‌న్నాని సెలెక్ట్ చేయ‌డం వెన‌క ఓ ఆస‌క్తిక‌ర విషయం ఉంది. అదేమిటంటే..ర‌చ్చ ఆడియో ఫంక్ష‌న్ లో చిరు మాట్లాడుతూ..ర‌చ్చ షూటింగ్ లో త‌మ‌న్నా డాన్స్ చూసాను. చాలా బాగా చేసింది. త‌మ‌న్నా డాన్స్ చూసిన వెంట‌నే నా 150వ సినిమాలో హీరోయిన్ గా త‌మ‌న్నా అయితే బాగుంటుంది అనిపించింది. మ‌రి త‌మ‌న్నా నాతో చేస్తుందో లేదో అనగానే..అక్క‌డే ఉన్న త‌మ‌న్నా వెంట‌నే ఓకె చెప్పింది. అలా స‌ర‌దాగా జ‌రిగిన సంభాష‌ణ నిజ‌మ‌వుతుంది. ఎలా అంటే ఒక ర‌కంగా ఇదే చిరు 150 వ సినిమా. చిరు కోరుకున్న‌ట్టే త‌మ‌న్నా చిరుతోక‌ల‌సి స్టెప్సే వేయ‌నుంది. ఆరోజు చిరు మ‌న‌సులో మాట ఈరోజు నిజం కావ‌డం చూస్తుంటే భ‌లే విచిత్రంగా ఉంది క‌దూ.