నెగెటివ్ ట‌చ్ ఉన్న పాత్ర‌లో చిరు
- IndiaGlitz, [Monday,June 18 2018]
కెరీర్ ఆరంభంలో ప‌లు నెగెటివ్ ట‌చ్ ఉన్న పాత్ర‌లు చేసి న‌టుడిగా మంచి గుర్తింపు తెచ్చుకున్నారు మెగాస్టార్ చిరంజీవి. పూర్తిస్థాయిలో క‌థానాయ‌కుడి పాత్ర‌లు చేయ‌డం మొద‌లుపెట్టాక.. ఆ త‌ర‌హా పాత్ర‌లు మ‌ళ్ళీ చేయ‌నేలేదు. ఈ నేప‌థ్యంలో ఓ ఆస‌క్తిక‌ర‌మైన విష‌యం ఫిల్మ్‌న‌గ‌ర్ స‌ర్కిల్స్‌లో హ‌ల్‌చ‌ల్ చేస్తోంది.
అదేమిటంటే.. సైరా న‌ర‌సింహా రెడ్డి త‌రువాత కొర‌టాల శివ ద‌ర్శ‌క‌త్వంలో చిరు ఓ సినిమా చేయ‌బోతున్న సంగ‌తి తెలిసిందే. ఇందులో చిరు రెండు పాత్ర‌ల్లో క‌నిపించ‌నున్నార‌న్న సంగ‌తి తెలిసిందే. అందులో ఒక‌టి రైతు పాత్ర కాగా.. మ‌రొక‌టి బిల‌య‌నీర్ పాత్ర‌గా వినిపిస్తోంది.
అంతేగాకుండా.. ఇంద్రుడు చంద్రుడు సినిమాలో క‌మ‌ల్ హాస‌న్ పోషించిన మేయ‌ర్ త‌ర‌హా పాత్ర‌లో అవుట్ అండ్ అవుట్ నెగెటివ్ పాత్ర‌గా బిల‌య‌నీర్ పాత్ర ఉంటుంద‌ని గాసిప్స్ వినిపిస్తున్నాయి. అదే గ‌నుక నిజ‌మైతే.. చాలా కాలం త‌రువాత చిరుని స‌రికొత్త పాత్ర‌లో చూసే అవ‌కాశం అభిమానులు, ప్రేక్ష‌కుల‌కు ద‌క్కిన‌ట్టే. మ‌రి.. ఈ వార్త‌ల్లో ఎంత నిజ‌ముందో త్వ‌ర‌లోనే తెలుస్తుంది