మహేష్ మూవీకి చిరు టైటిల్..
- IndiaGlitz, [Tuesday,December 15 2015]
సూపర్ స్టార్ మహేష్ ప్ర‌స్తుతం బ్ర‌హ్మోత్స‌వం సినిమా చేస్తున్నారు. శ్రీకాంత్ అడ్డాల తెరకెక్కిస్తున్న బ్ర‌హ్మోత్స‌వం సినిమాని స‌మ్మ‌ర్ లో రిలీజ్ చేయ‌డానికి ప్లాన్ చేస్తున్నారు. ఈ సినిమా త‌ర్వాత మహేష్..మురుగుదాస్ ద‌ర్శ‌క‌త్వంలో ఓ సినిమా చేయ‌నున్నారు. తెలుగు, త‌మిళ్ లో రూపొందించే ఈ చిత్రాన్ని హిందీలో డ‌బ్ చేయ‌నున్నారు.
ఈ చిత్రంలో మహేష్ ద్విపాత్రాభిన‌యం చేస్తుండ‌డం విశేషం. ఇక అస‌లు విష‌యానికి వ‌స్తే...చిరంజీవి నటించిన హిట్ మూవీ చ‌ట్టంతో పోరాటం టైటిల్ నే మహేష్, మురుగుదాస్ సినిమాకి పెట్టాల‌ని ఆలోచిస్తున్నార‌ట. మురుగుదాస్... ఈ టైటిల్ క‌థ‌కి స‌రిగ్గా స‌రిపోతుంద‌ని...అందుచేత ఈ టైటిల్ నే ఫైన‌ల్ చేసే ఆలోచ‌న‌లో ఉన్నార‌ట. ఏప్రిల్ లో ప్రారంభించే ఈ మూవీకి ఇదే టైటిల్ ఫిక్స్ చేస్తారా..? లేక వేరే టైటిల్ పెడ‌తారా అనేది తెలియాలంటే కొన్ని రోజులు ఆగాల్సిందే.