నాకు పోటీ లేనే లేదు - మెగాస్టార్
- IndiaGlitz, [Saturday,January 07 2017]
మెగాస్టార్ చిరంజీవి న‌టించిన 150వ చిత్రం ఖైదీ నెం 150. డైన‌మిక్ డైరెక్ట‌ర్ వినాయ‌క్ తెర‌కెక్కించిన ఈ భారీ చిత్రాన్ని రామ్ చ‌ర‌ణ్ నిర్మించారు. కొణిదెల ప్రొడ‌క్ష‌న్ బ్యాన‌ర్ పై రూపొందిన ఖైదీ నెం 150 చిత్రం సంక్రాంతి కానుక‌గా ఈనెల 11న ప్రేక్ష‌కుల ముందుకు వ‌స్తుంది. ఇదిలా ఉంటే...నంద‌మూరి న‌ట సింహం బాల‌కృష్ణ న‌టించిన 100వ చిత్రం గౌతమీపుత్ర శాతకర్ణి. ఈ చిత్రాన్ని జాగ‌ర్ల‌మూడి క్రిష్ తెర‌కెక్కించారు. ఈ భారీ చిత్రం సంక్రాంతి కానుక‌గా ఈనెల 12న ప్ర‌పంచ వ్యాప్తంగా రిలీజ్ అవుతుంది.
అయితే...మెగాస్టార్ చిరంజీవిని సంక్రాంతికి పోటీప‌డుతున్న రెండు చిత్రాల గురించి అటు ఆడియోన్స్ లో, ఇటు ఇండ‌స్ట్రీలో ఆస‌క్తి నెల‌కొంది. ఈ పోటీ గురించి మీరేమంటారు అని అడిగితే...పోటీ అనేది నాకు లేనే లేదు. నా 150వ చిత్రం టైమ్ లో బాల‌కృష్ణ 100వ చిత్రం గౌతమీపుత్ర శాతకర్ణి రిలీజ్ కావ‌డం అనేది అనుకోకుండా జ‌రిగింది. నా 150వ సినిమా ఖైదీ నెం 150, బాల‌కృష్ణ 100వ చిత్రం గౌతమీపుత్ర శాతకర్ణి ఒకేసారి రిలీజ్ అవుతుండ‌డంతో మీడియా క్రియేట్ చేసిన పోటీ ఇది. సంక్రాంతికి వ‌చ్చే అన్ని సినిమాలు స‌క్సెస్ సాధించాలి అని కోరుకుంటున్నాను అన్నారు.