‘ఆచార్య’లో చిరు పాత్ర ఎలా ఉంటుందంటే..?
- IndiaGlitz, [Wednesday,April 15 2020]
మెగాస్టార్ చిరంజీవి 152వ చిత్రం ‘ఆచార్య’. మెసేజ్ మిక్స్ చేసిన క‌మ‌ర్షియ‌ల్ చిత్రాల‌ను తెర‌కెక్కించే ద‌ర్శ‌కుడు కొర‌టాల శివ ఈ చిత్రాన్ని తెర‌కెక్కిస్తోన్న సంగ‌తి తెలిసిందే. నిరంజ‌న్ రెడ్డి, రామ్‌చ‌ర‌ణ్ నిర్మాత‌లు. హైద‌రాబాద్‌లో చిత్రీకరణ శ‌ర‌వేగంగా జ‌రుగుతున్న సమయంలో కరోనా వైరస్ ప్రభావంతో చిత్రీకరణ ఆగింది. ఈ సినిమా చిరంజీవి పాత్ర గురించి చాలా ర‌కాలైన వార్త‌లు విన‌ప‌డుతున్నాయి. విశ్వ‌స‌నీయ వ‌ర్గాల స‌మాచారం మేర‌కు చిరంజీవి ఈ చిత్రంలో మాజీ న‌క్స‌లైటు పాత్ర‌లో క‌న‌ప‌డ‌తార‌ట. ప‌ర్యావ‌ర‌ణ స‌మ‌తుల్యం దెబ్బ‌తిన‌నీయ‌కుండా పోరాడే వ్య‌క్తి పాత్ర‌లో క‌న‌ప‌డ‌తార‌ట. సినిమాలో చిన్నపాటి రాజ‌కీయాంశాలు కూడా ముడిప‌డి ఉంటాయ‌ట.
మంచి మెసేజ్‌ల‌ను క‌మ‌ర్షియ‌ల్ పంథాలో తెర‌కెక్కించే ద‌ర్శ‌కుల్లో కొర‌టాల ఒక‌రు. ఆచార్య సినిమాను కూడా అలాగే తెర‌కెక్కిస్తార‌ట. కాజ‌ల్ అగ‌ర్వాల్ హీరోయిన్‌గా న‌టిస్తోన్న ఈ చిత్రంలో ఫ్లాష్ బ్యాక్‌లో మెగాప‌వ‌ర్ స్టార్ న‌క్స‌లైట్ లీడ‌ర్ పాత్ర‌లో క‌న‌డ‌ప‌డ‌తాడ‌ని, ఆ పాత్ర వ‌ల్ల‌నే చిరు మార్గ‌నిర్దేశం పొందుతాడ‌ని వార్త‌లు విన‌ప‌డుతున్నాయి. కరోనా ప్రభావంతో ఆచార్య చిత్రం వ‌చ్చే ఏడాది సంక్రాంతి బ‌రిలో పోటీ ప‌డే అవ‌కాశం ఉంద‌ని వార్త‌లు విన‌ప‌డుతున్నాయి.