శ్రీర‌స్తు - శుభ‌మ‌స్తు క‌థ‌ను బ‌య‌ట‌పెట్టిన చిరు
- IndiaGlitz, [Monday,August 01 2016]
అల్లు శిరీష్ న‌టించిన తాజా చిత్రం శ్రీర‌స్తు - శుభ‌మ‌స్తు. పరుశురామ్ తెర‌కెక్కించిన ఈ చిత్రాన్ని ఆగ‌ష్టు 5న రిలీజ్ చేయ‌నున్నారు. ఈ సంద‌ర్భంగా ఏర్పాటు చేసిన ప్రీ రిలీజ్ ఫంక్ష‌న్ లో మెగాస్టార్ చిరంజీవి మాట్లాడుతూ... శ్రీర‌స్తు శుభ‌మ‌స్తు క‌థ‌ను బ‌య‌ట‌పెట్టేసారు. ఇంత‌కీ చిరు ఏమ‌న్నారంటే...శ్రీర‌స్తు శుభ‌మ‌స్తు ఫ‌స్ట్ కాపీ చూసాను. రిచ్ ఫాద‌ర్ కి, అభ్యుద‌య భావాలు ఉన్న కొడుకు మ‌ధ్య జ‌రిగే సంఘ‌ర్ష‌ణ‌ను చాలా బాగా పరుశురామ్ తెరకెక్కించాడు. మ‌ధ్య‌త‌ర‌గ‌తి వాళ్ల‌ను విశేషంగా ఆక‌ట్టుకునేలా ఈ చిత్రం ఉంటుంది.
ఈ సినిమా చూస్తున్న‌ప్పుడు నాకు బొమ్మ‌రిల్లు సినిమా గుర్తుకువ‌చ్చింది. పరుశురామ్ సంద‌ర్భానుసారంగా ముత్యాల్లాంటి డైలాగ్స్ రాసాడు. బొమ్మ‌రిల్లు సినిమా ఎలా విజ‌యం సాధించిందో అలా..శ్రీర‌స్తు శుభ‌మ‌స్తు కూడా అదే స్ధాయిలో విజ‌యం సాధిస్తుంది అనే ఆశాభావం వ్య‌క్తం చేసారు. ఇదిలా ఉంటే...ఈ మూవీ టైటిల్ గురించి ఇంట్ర‌స్టింగ్ న్యూస్ బ‌య‌ట‌పెట్టారు. అది ఏమిటంటే...శ్రీర‌స్తు శుభ‌మ‌స్తు అనే టైటిల్ తో చిరంజీవి ఓ సినిమా చేసార‌ట. ఆ చిత్రంలో స‌రిత న‌టించింది. క‌ట్టా సుబ్బారావు ద‌ర్శ‌క‌త్వంలో రూపొందిన ఈ చిత్రం బాగా ఆడింది. అందుక‌నే ఈ మూవీకి బాగా క‌నెక్ట్ అయ్యాను చెప్పారు చిరు.